[الرشيد اسماعيل محمود]

المشاركة الأصلية كتبت بواسطة فتحي مسعد حنفي
..شندي كيف

ياتا فيهن..؟؟
تعرف ياعم فتحي بخصوص حكاية سرق في مدني واتعاقب في الخرطوم..
رأفت قالها بس ماربطها بفكرة العقوبة في مكان الحدث..
يعني لمّا الجيلي أضاف ليها العقوبة الأولي يبقي بالمنطق ماحتكون في عقوبة تانية..
حافظ جا ناطي قال عقوبة اجتماعية..
طيب دخل اللائحة حقتنا بالعقوبة الاجتماعية شنو..؟؟
اللائحة متعلقة بقانون محدّد تعاقب بموجبه..
والعقوبة الإجتماعية البيتكلم عنها حافظ تبقي مرتهنة بسلوك الناس تجاه المعاقب ده..
يعني تقوم تقاطعو..ماتدخل بوستاتو..تقلل من قيمة حديثو..
والي آخره من أساليب المقاطعة الإجتماعية (بحسب حافظ حسين.)
أنا الفهمتو من كلام الجيلي وبابكر ، هم ما بيدافعوا عن محمد فرح ولا غسّان جادين..
هم بدافعو عن اللائحة المتعوب عليها دي..
حافظ خاشي بيحاول تعميم الفكرة واسقاط تجارب موازية للحدث..
الجيلي بدافع عن ديمقراطية لائحية محدّدة..
ديمقراطيته البيدافع عنها هي الحقوق المكفولة بواسطة اللائحة.
ارتضينا باللائحة من الأوّل يبقي ناكل نارنا وننجض..
مافي يمّة أرحميني هنا..
الديمقراطيّة التي نعنيها هنا هي حكم اللائحة التي شاركنا في صياغتها وارتضينا بها..
طيب هسع الجدّ شنو..؟؟
المهم:
علي حسب علمي، مافي بند بيقول يُطرد فلان من أجل علان.
يبقي حتي حين إضافة بند لاحق (إن رأي الأعضاء ذلك) مافي طرد.
دي الحقيقة .
تحيّاتي.