الحبيب الغالى : ود عثمان ..
من عشق وردى لبلاده الرائعة .. ومن أغنيات الزمن الجميل .. أيام القلب النظيف .. والحس الراقى .. تشد إنتباهتنا لهذه التحفة المرصعة بالجمال .. يا صانع الفرحة .. يا إنت ..
يديك العافية ويخليك لينا ...
حلفتك ياقلبى خليهو الغرام ..
تعرف ياود عثمان أظن شاعرنا العظيم إسماعيل حسن كان عايز يقول لينا (حبو ) .. (وأغرقو فى الحب) .. لكنها عظمة الشاعر وقدرتو على الإيحاء .. يقول ليك
خليهو الغرام ) .. وتحسها فى قلبك كأنها تشجيع على الحب العذرى ... رغم العذابات والضنى الفيهو ..
إتعذب لوحدك
ليل والناس نيام
إن جاك يوم يصالحك
قول ليهو الكلام
أو آيات حنينة
بترد السلام
شوف عليك الله الروعة والجمال .. توصيف العذابات .. تحس كأنها حاجة ملحة ..أو ضرورة من ضرورات الحياة لايتم العيش لولاها ... ولا يصح بدونها للقلب خفقان ...................... يا سلام .
حلفتك يا قلبي حملتك أمانة
الفاتك عهود ما تبكي عشانة
حلفتك تقول لي إيه آخرة بكانة
الدنيا الجميلة
والحزن الحلال
الطير في غصونو
الساجعة في حنانا
كل الناس تغني
ليه نحن الهم طوانا
رغبة الشاعر فى الكمال ... كمال الحب ..كمال الإحساس .. الوفاء .. حتى كمال الحزن ... شوف بالله قصة (الحزن الحلال ) دى عليك الله براها ما حكاية ..
التجلة والتحية من خلالك للرائع إسماعيل حسن ولفنان إفريقيا الأول محمد وردى ولهذه التحفة الجميلة
وربنا يخليك ياممتع ياجميييييييييييييييييييييييييييييييييييييييييييييي ييل
مع حبى وإمتنانى .