[فتحي مسعد حنفي]

المشاركة الأصلية كتبت بواسطة شهرزاد

دائماً ما رافقني هذا الإحساس عند دخولي سودانيات ...
بوستات كتيرة بتحس إنو صعب تشارك فيها لو أنت ما بتعرف الناس ..
طبعا هذا لا يعني غياب المواضيع العامة والبتناقش قضايا وفكرة ممكن تخش تجدع ليك فيها مشاركة مشاركتين من غير ما يكون ملازمك الإحساس ده ..
ـــــــــــــــ
لكسر الحاجز حالياً بجرب طريقة التواجد المستمر والمواكبة أول بأول عشان أكون جوة الجك دايماً( وما أجي متأخرة ياعمو فتحي ).
وكدة شوية شوية بتتعود علي الناس ويتعودوه عليك ومسألة التعود دي مهمة ياجماعة ..
ده بالرغم من عدم ثقتي في مقدرتي علي التواجد كتير علي النت لكن بحاول إنشاء الله.

كدا يبقي العيب في العضو الجديد البخاف يشارك عشان ما بعرف زول..
تاني حاجة الجنس اللطيف مستثني من حسبة برما دي ولو جات عشة أم رشيرش قالت عوك في ناس هنا طوالي بطلعو لجان الاستقبال ويفرشو البساط الأحمر..
نصيحتي ليك من الأول تخشي شمال في الناس وتديهم العين البمبية عشان الحمرا بتطفشم وبعد داك حتلقي روحك عضوة في أحدي الشلل