الموضوع: فرفشة وخستكات ..للخروج عن المألوف!!!
عرض مشاركة واحدة
قديم 01-06-2011, 02:54 AM   #[11]
محمد مصطفي
:: كــاتب نشــط::
الصورة الرمزية محمد مصطفي
 
افتراضي
انا غايتو شيطان الخستكة لسة فاري مني
اصلو مرات بتكون زي الشعر ... يوم ما اجي اجيك بي غفلة
اها لمن نجي نخستك بجيك فجاءة ... او مرات بعض الكتابات بتديك الهام
وعلي سيرة الهام دي ... كانت زمان زمن المتوسطة ... طبعاً انت من زمن الكُتاب يا ابواماني
المهم البت شديدة شدة حمار سكينة ... وسكينة دي بترسل الحمار السوق
الحمار كل يوم وفي زمن محدد بالدقيقة والثانية بقيف قدام دكان الجراري .. ده في حلتنا
حاجة سكينة بتكون خاتة في ضهر الحمار ده خُرج ... اقوم الجراري بخت للحمار
ملوة عيش ... ورطل سكر ... وشاي .. وبن .. حسب الحاجات الكاتبها حاجة سكينة في الورقة الخاتاها في الخرج
عمك الجراري في يوم زهجان من ولدو قام رسل ولدو مكان والولد ابي ما امشي ليهو
اها في اللحظة دي جاء الحمار .. عمك الجراري بعد رفع ليهو حاجاتو ضربو علي ضهرو قال ليهو امشي اتا اريتك ولدي
الحكمة تبقي شاطر لو قلتا تشيل من ضهر الحمار ده حاجة ... ارفسك رفسة واحدة كان ما صادفة البتاع وانتهي من امرك .... اورم ليك كراعك
حمار السرور غايتو
المهم نرجع لي سيرة البت الشديدة ....
البت سمحة وسماحتا صادفتنا في حتة مراهقة وعلي زمنا المدرسة مختلطة كانت
يمين البت دي تلقي المدرسة كلها مقدماها علي البيت .. وهي تقدل قدامنا كده وهاك يا قليب قادر الله
كل زول في كراسو راسم قلب وكاتب الهام
لحدي ما يوم المدير خمشنا ... ومن يومها وتاني ما شفناها في المدرسة
قالو المدير قال لي ابوها بتك حمت الاولاد القراية ... فشنو حاول لمها وعرس ليها
اتزوجت في نفس الفترة ... غايتو السيرة جاية من برة كانت ... تقريباً كده بنكون فلقنا لينا 20 نفر

وبجيك صاد



التوقيع: أتوق لينابيع شعر ، تتهيأ مفردات الحب فيها للتحليق بعيدا داخل احلامي
أشواق يضحك الفجر لها وتضمها مدائن الفرح

اشراق ضرار

ستبقي في قلوبنا ابداً يا خال
محمد مصطفي غير متصل   رد مع اقتباس