اقتباس:
المشاركة الأصلية كتبت بواسطة أسامة معاوية الطيب
حبيبنا الذي يبحث عن سانحة طيبة
جيتك دي بالنسبة لي سانحة أكثر من طيبة
وهاك
ماغنيت قدر وصفك
ولا عشر المدسدسو ليك
بكا واشواق
ولا حتي ان كتلني الفاق
ولا النيل ان بقالي مداد
رسم جياتك الازهار
علي روض الغنا الحراق
يظل افراق
ويغزر في القلوب معناك
ويحفر حنو في الأعماق
يظل افراق
ويكبر شتلك الرويان
ويهطل غيمك الدفاق
واظل افراق
وشن تنفع مع ضلك
حبيبات حبنا الرقراق
وما قامت صلاة اشواقنا
في بعدك
علي لقاط تيممنا
وانت وضونا للأشواق
واظل أفراق
الا ان تصطفيني سماك
نبي الغنوات وتامن بالقصيد
اوراق
واهاجر في مدن عينيك
مسرج طيب هواك براق
واكوّع فوق ضهر ريدتنا
اكركع حنّك العشراق
وانز من كل مسام الروح
سماحتن أحلى من تنضاق
واضاير من غناك غناي
مخافة نورك البراق
وماغنيت قدر وصفك
ولا عشر المدسدسو ليك
بكا واشواق
ولا حتي ان كتلني الفاق
وبعد دا وكت ليك سانحة اطيب من دي تعال ... لأننا نستمد حياتنا من سوانحك هاذي
|
ماغنيت قدر حبك
ولا عشر الحنين دفق
وشوقي اليك
حكي الهتان
وحتى ان كتلني جفاك
بنبت تاني في جواك
وافتق فيك بالالوان
اسرسب فيك عبير الشوق
يندي رحيقك الريان
واصبح تاني بيك رويان
واعشرق بالحنين تريان
واكبر وابقى زي بستان
ملان اعناب
وشن ينفع مع دنك
بساتين العنب في الشام
وشن يشبه
سلاف
و معتق اللازمان
وشن يشبه
حباب
ومعبى في اليونان
----
ومابنفع...
وما بنجينا غير صلوات
في محراب ديار الشوق
ومابصبرنا غير ترتيل
شجون التوق
ومابكفينا من تالاك غير جنات
ومن اكواب معين الشوق
ومابدفيناغير منك رياش من حن
نمارق ريد...
وعاد ورينا
ياسيدنا
كيف ننجا
وحسابك كيف
طبعا محاولة تحبو بجانبكم
ولكن حسبنا ان الحبو يتبعه المشي
