شكرا ً يا فيصل ... وإليك كلمات الأغنية
مرضان باكي فاقد فيكى علاج طبيبي
قالوا ترك سكونك يادار وين حبيبي
******
يادار من بقاياك فوحي وجيبي طيبي
أو عاتق شميم النرجس من رطيبي
ماردت سؤالي وأجابت دار حبيبي
سدت حلقي عبره نفسي متين تطيبي
******
أنا لي مدة طالت ما شاهدت قمري
ما شاهدت غصني اليانع فيهو ثمري
أنا ماشفت محبوبى البفداهو عمري
اسكر من عيونو هن كأسات فيها خمري
******
حبي الغير خافي يا الإنتي بتخبرى
اسألي منو قلبك ومن نيراني تبرى
مرّو عليا ناسك وليك شالوهو خبري
هل عرفوني حائر وهل أدوك خبرى
******
كيف طغى لي حبك دائي متين تزولي
لولاك ما نزلت عن مقدار نزولي
ليك بنثر جواهري وبلغيها زولي
قالت كترت عليهو صديقي الما عزولى
******
فاكهة جميلة يانعة شتاها طاف بدري
دره يتيمة آنسة ظبيه حواها خدري
حوره فى نعيما طواها جبينها بدرى
انا فى نارا ساهر باكى أريتها تدرى
******
لو كلمتي طيفك قلت يزور ضريحي
أو قلتيلو داوى علل عاشقي وجريحي
لا بأس من عذابي وبكاء جفني القريحى
ما دام انت نائمة وهادئة وتستريحي
******
أنا غافل .. غرامك دون اعلم شحني
دمعي إذا طريتك بين الناس فضحنى
أنا شاعر فؤادك في الحب إمتحنى
برضك جافية نافرة لي متين تحنى