اقتباس:
المشاركة الأصلية كتبت بواسطة ود الخير
صباح الخير اخت لنا
مُصدقه يا زوله
في لندن في باريس الكيمان مفروزه ليها
زمن والحكايه ابعد من كدا والمناظر دي بتكرر
في اغلب المناسبات وابشرك الالفه حقة السودانيين
ديك انعدمت في هذا الجزء من الارض الا ما ندر
والهُوه الاجتماعيه ماشه في اتساع
[frame="1 50"]أسكتن انتن في المنتديات حمسن الطار
لمزيد من الاعتداءت هنا وهناك[/frame]
انتو شايتين في جيه ورؤساء احزابكم
في جيها من غير رؤيه موحده
سيروا وعين الله ترعي تمزيقنا للوطن
وضًُرب قبله استاذ التجاني
واللسته تطول
أنا ما حا اقول ليك فاليضرب نافع
لكن قضيتنا اخدت منحي اخر غير السياسه
وضربت في العصب الحي
|
----------------------------------------------------------
ود الخير سلامات..
حسع بالله البحمس فى الطار منو... الرافع شعار البطش والتهديد والوعيد منو.. البشير وجماعتو ام بناتنا الطيبات... انت ما سمعت حاج ماجد سوار قال شنو فى القضارف قبل يوم من دقة نافع
[frame="1 50"]حاج ماجد سوار : أي زول يرفع راسو في النيل الأزرق بندقوا!!!
[/frame]
حسن محمد علي
أكد أمين التعبئة بالمؤتمر الوطني وزير الشباب والرياضة حاج سوار استعدادهم لأي حرب في النيل الأزرق، غير أنه استبعد تكرار أحداث جنوب كردفان في النيل الأزرق، واصفا أحاديث عرمان وعقار بالهرطقة، وقال: إن حديثهم لن يشعل الحرب إلا في خيالاتهم المريضة، مردفاً
:[frame="1 50"] لو اشتعلت الحرب نحنا جاهزين ليها. وأضاف " أي زول برفع راسو في النيل الأزرق بندقو فيهو"[/frame]
بحسب تعبيره، ووصف سوار ما حدث بجنوب كردفان بالمحطات الصغيرة التي سيتجاوزونها، مردفاً "بلغة الجيش دي كمائن صغيرة نزيلها الصباح". وشبه أمين التعبئة السياسية للوطني في لقاء شبابي حاشد بالقضارف انفصال الجنوب بأنه أكثر الأحداث حزناً، مضيفاً بقوله: "إذا قلنا إننا مبسوطين لانفصال الجنوب نكون بنغش في نفسنا" ورجع حاج ماجد للقول "لكننا لن نبكي طويلاً" وقال: كانت لدينا الإرادة بأن مشكلة الجنوب لن تحل إلا بهذا الخيار ودعا الشباب لعدم الإحساس باليأس، واعتبرالمرحلة القادمة مدخلاً مهم للأمل والثقة في النفس، ودعا سوار الشباب لصناعة تغيير حقيقي ينهض بالبلد للأمام، .....
التيار
بالله دا كلام وزير .... ليهو حق ... قلة الادب ما جديدة عليهو... دا ضرب استاذو فى كلية الحقوق...