[نهلة عمر الشيخ]

المشاركة الأصلية كتبت بواسطة حافظ حسين

(من بدل دينه فاقتلوه) دا حديث نبوي رواه البخاري ما جبته أنا من رأسي فاهمة كيف, و أزيدك من الشعر بيت في حديث تاني قاله الرسول الكريم و هو (لا يحل دم امرئ مسلم يشهد أن لا إله إلا الله وأني رسول الله إلا بإحدى ثلاث : النفس بالنفس ، والثيب الزاني ، والتارك لدينه المفارق للجماعة ) .... و أتخيل لي دا حديث واضح , حلك الوحيد يا نهلة عشان تطلعي من حرجك دا كإنسانة حديثة تجي تطلعي الأحاديث دي أن الرسول ما قالها , لكن ما تجي تقول الكلام الما جايب حقه دا, أن حد الردة ما ورد في القرأن أو الرسول ما قتل مرتد, ما ورد في القرأن دا ما بعفيك لأن السنة في تقديري متممة و مفسرة للقرأن و بعدين حكاية كون الرسول (ص) ما قتل مرتد دي زي حكاية ان قانون الحركة في البلد المحدد بدي المرأة حق أن تسوق قندران , كونوا ما في مرأة ساقت قندران دي ما بعني أن سواقة القندران ممنوعة أو النص الخاص بسواقة القندران للسيدات ما موجود.... و بعدين تعالي هنا سيدنا أبوبكر الصديق في حروبات الردة الشهيرة كان إستند علي شنو عشان يخوضها؟

الرسول ما قال كلام زي دا ولا يمكن له ان يقول كلام زي دا
والاحاديث الملفقة المحشورة في صحيح البخاري كتيرة
سيدنا ابوبكر خاض حروبات زي ما كل الدول بتخوض حروبات وكونو الناس سموها حروب ردة فدا ما بعني انها حروب ردة
الجماهير المهووسه بتسمي ساي وبتقول كلام فارغ من اجل الكلام فقط واهو البوست بتاعك دا خير دليل على الكلام الفارغ

المشاركة الأصلية كتبت بواسطة حافظ حسين

قلتي لي إسرائيل هي الدولة الدينية الوحيدة في العالم.... دق الكيبورد هين يا نهلة و الله, يا خي وين وديتي إيران, السودان و أيييييييييييييك ...
بجي راجع تاني

انت يا حافظ الكلام البتكتبو بتنساهو وللا شنو؟؟؟
ياخي انت قلت الديانات الاخرى اها الدخل السودان وايران في الديانات الاخرى شنو ؟؟؟؟
ياخي ركز وخليك امين وحقاني في الحوار