[قيقراوي]

المشاركة الأصلية كتبت بواسطة ممدوح أبّارو

الكوار لمن تحيب كلام بيناوي وتسحبو علي القوي الديموقراطية والعلمانية
دا كوار عشرة بي قرش واتو
ـــــــــــ
مشتاقين يا نجم

لووووووووب

و الله معطونا بالكلام العاير سااااي دا
ياخ فوق انا ما شرحت للكاشف اخوك الجنقو دا!!

نعيدو تاني :
- اقرأ ما قبل الكابشر!!
- النقاش حول ( الهوس اللاديني ) و انا ما مستهدف ( العلمانيين ) عموم، ببساطة لاني بحسب نفسي منهم .. و لا عندي مشكلة مع العلمانية كمنهج معرفة. لكن عندي مشكلة كبيرة، و جدن مع التطرف، و الهوس، و الهلوسة.. شفت كيف؟
- و لسة عند رأي انو التطرف ( اليميني )، و الراديكالية* ( اليسارية ) متساوين في الرجعية و الشمولية، و رأي واحد صحيح - بحسب اعتقادهم الفاسد - لا يقبل القسمة على غيره.. فقط متضادين في الاتجاه.
- السيرورة و استذكار دروس التاريخ .. و المد الثوري الاجتاح المنطقة أكد على الحتمية التاريخية الوحيد - بحسب قرايتي - انو التاريخ يسير نحو الغد .. غد الدولة المدنية الديموقراطية الحديثة .. و ما بعد الايديولوجيا.
- ياخ شنو هو نحن فيران تجارب؟ - او جرذان كما قال العقيد - كلو مهووس جاي يعيد صياغتنا!؟ .. اصلو شنو هو!!؟ .. ياخ عاوزين نعيش ناس ساي انحنا ياخ بي خبوبنا و ربوبنا العلينا دا .. سيبونا في حالنا .. اتعودوا علينا كدا ياخ .. نحن الاغلبية - الناس الساي - شوفوا لينا دستور ينظم العلاقات بينا و نحن زي ما نحنا .. ما تعدلوا فينا اي حاجة .. بتقدروا؟



-------

* في فهمي البسيط:
التطرف = الرديكالية ... لكن قلنا نميز اليسار ساي انحيازاً له بس ( بفتح الباء )