اقتباس:
المشاركة الأصلية كتبت بواسطة نهلة عمر الشيخ
الرسول ما قال كلام زي دا ولا يمكن له ان يقول كلام زي دا
والاحاديث الملفقة المحشورة في صحيح البخاري كتيرة
سيدنا ابوبكر خاض حروبات زي ما كل الدول بتخوض حروبات وكونو الناس سموها حروب ردة فدا ما بعني انها حروب ردة
الجماهير المهووسه بتسمي ساي وبتقول كلام فارغ من اجل الكلام فقط واهو البوست بتاعك دا خير دليل على الكلام الفارغ 
انت يا حافظ الكلام البتكتبو بتنساهو وللا شنو؟؟؟
ياخي انت قلت الديانات الاخرى اها الدخل السودان وايران في الديانات الاخرى شنو ؟؟؟؟
ياخي ركز وخليك امين وحقاني في الحوار |
نهلة سلام
أوكي طيب أبوبكر الصديق قلتي حارب الناس ديل زيه و زي أي دولة ممكن تخش في حرب , و كون الناس تسمي الحرب دي بحروب الردة ما بتعني أنها حروب ردة , لكن أقول ليك يا من تنادين بالعمق و الأمانة من باب أولي الصفات دي تتحلي بيها إنت فاهمة....
الحروب الما دايرة تسميها بحروب الردة خليك من التسمية نشوف الوقائع و أسباب الحرب دي كانت كيف و بعدين تعالي شوفي ليها الإسم؟
الناس الحاربهم سيدنا أبوبكر كانوا صنفين:
الأول: خرج عن الإسلام و ما وقف في الحد دا بس إنما إدعي النبوة زي مسيلمة , طليحة أبن خويلد الأسدي, و الأسود العنسي و ديل سيدنا أبوبكر حاربهم في معركة اليمامة الشهيرة بإعتبار أنهم تخلوا عن الإسلام.
الصنف الثاني من الناس (ما داير أقول ليك المرتدين عشان الكلمة دي شكلها بتجيب ليك العصبي) , مؤمنين بأركان الإسلام بس قالوا الزكاة دي ما واجبة علينا... و رسلوا وفد للتفاوض مع سيدنا أبوبكر و الأمر دا أحدث ربكة كبيرة وسط الصحابة حتي سيدنا عمر بفتكر أن الناس ديل مفروض ما يقاتلوهم لكن سيدنا أبوبكر حسم الأمر و قاتل مانعي الزكاة بإعتبار أنهم مرتدون.
غايتو شوفي ليك إسم ليهم بعد كدا و شوفيها بتعني حروب شنو؟
طيب فرضنا جدلاً ابوبكر دا خشي في حرب أتفرضت عليه يا ستي ... تفتكري خشاها تحت أي مسوغ و كيف قدر يقنع الناس ديل بدخول الحرب؟
و لي عودة