[الرشيد اسماعيل محمود]

المشاركة الأصلية كتبت بواسطة عبد الجليل سليمان

طيب أين هو الأسلوب الترحمي في ما كتبت. ...

الأسلوب الترحُّمي هنا يا جليل ليس أسلوب البكاء والنواح كما تبادر لذهنك أوّلاً.. ولكن نمطية التفكير الإجتراري.. يعني حكاية "خالد الحاج ما كان داير سودانيات بالشكل دة.. ودي ما سودانيات الكانت في ذهنية خالد الحاج.. فهلموا جميعاً.. لنسعي لتطبيق الفكرة التي كانت في ذهنية مؤسس المنبر وتنزيلها علي أرض الواقع".. واعلاه يُقرأ مقروناً بندائك المبذول في المقتبس الثاني القائل بفكرة المناداة بالحرص علي رسالة خالد الحاج..
المقتبس الأوّل كان توطئتك للدخول في الموضوع.. لذلك اقتبسته لتوضيحه حسب وجهة نظري بالمقتبس الثاني.. لأنني قرأتهما معاً.. وهذا كل شيء..
ليس من الجيّد أن نُعني بتطبيق رغبات شخص مهما كان.. ولكن يجب علينا ان نبتعد -أوان التحليل والتفاكر- عن اجترار فكرة ماضوية محدّدة، والتلويح بها عبر كل من يريد استمالة وكسب تعاطف الآخرين معه..
عندك فكرة يا جليل موضوعية قولها لينا.. وخلينا نتناقش علي أسس ومنهج تحليل واضح.. لكن لمّا تجي تغلّف لينا مناداتك من البداية بإنّو دي ما رسالة خالد الحاج.. في ظني دة كلام عاطفي..
وبعدين يا صاحب مؤسس سودانيات دة مش كان عضو زيّو زيّ الآخرين.. تسري عليه- وتُقرأ سرتْ- ذات النظم واللوائح التي تري أنت بإجحافها الآن.. فلماذا لم يقل بأنو يا خوانا دي ما الفكرة الكانت في ذهني للمنتدي حقي..؟ ولا دي ما رسالتي..؟
وبعدين أنا شايف أيّ زول بيفترض إنّو عندو رسالة بتخصّو.. ليه نأطّرو في الإخلاص لرغبة شخص ما..؟ أنا ما عندي رغبة أحقق مشروع خالد الحاج اللي كان في ذهنو.. وين المشكلة..؟ وبعدين فكرة الإخلاص دي ذاتها فكرة تحجيميّة للحد البعيد.. ومقيّدة جدّاً..
رؤيتي يا جليل أننا لو عايزين نتناقش في أمر ما يخص سودانيات.. يلزمنا الأوّل نشيل فكرة الإخلاص والأمانة والإلتزام بخط أعدّ سلفاً في ذهنيّة المؤسس.. لأنو الحياة -علي اطلاقها- زيّ البحار.. لا تثبت علي حال أبداً..