[فتحي مسعد حنفي]

المشاركة الأصلية كتبت بواسطة الرشيد اسماعيل محمود

أنا أصلا ما جاي للغلاط.. مداخلتي كانت توضيح بالنسبة ليك.. لو ما وقعت ليك ممكن العلّة في مقدرتي علي الشّرح.. كلّو جايز يا عم فتحي..
علي فكرة:
عبد الجليل برضو من أصدقائي..(إلا لو أفاد بغير ذلك).. لاقيته غير ما مرّة وتوانسنا.. ضحكنا ملء القلب.. أوّل مرّة لاقيته بمنزل النور يوسف.. وثانيتهما زرته في مكان عمله برفقة سارّة.. زول ونّاس.. ومثقف جدّاً، ومبدع.. أُعجبت به كثيراً.. بقدر إعجابي بكتاباته الأدبية وأسلوبه الذي أراه فريداً وبه روح خلاّقة ومُبدعة جدّاً..
وإستفدت من كتاباته الأدبيّة فائدة كبيرة.. إضافة للمتعة المصاحبة ليها.. وده كلام بتقتضيه الأمانة والنزاهة في إعطاء الآخرين حقوقهم كاملة.
هذا من ناحية العلاقة الشخصية.. لكن هنا يا عم فتحي.. أنا البعنيني فقط الحاجة القدّامي.. أيّ زول منطلق من زاوية شوفو الخاصّة بيهو..
التركيز علي مبذول القلم.. والبوست ده حتي الآن.. انا شايف كلام عبد الجليل كلام ساااي.. وما فيهو أيّ موضوعية في التناول.. كتابة هشّة.. ولا تستند سوي علي رغبة عبد الجليل في إرغام النّاس علي تصديقها.. وحملهم حمْلاً لذلك.. بالله...!!
عبد الجليل يقول الداير يقولو.. بس كمان لمّا أطالبو بدلائل علي صحّة كلامو.. المفروض يجيبها.. وهو ما لم يفعله حتّي الآن.

طيب يالرشيد ياخ مادام مشيت ليهو مع سارة ودا معناهو سارة صاحبتك.. طيب ياخ ما تبقي محضر خير وتحلني من سارة دي..ياخ دي شكلها كدا لابدة لي علي مصيبة وبصراحة أنا ما بقدر علي لسانا وكان جات كيلت لي لا برد عليها ولا بهببو ليها..ألله يجازيك يا عبد الجليل..كلو منكدا وش خايف ومنطط عيونو..