[azzam_farah]

نادر المهاجر
كيف حالك؟ علك طَيِب

اراك ادخلت الموضوع في مقابلة مخلة بين العروبة والعجمية

تاريخي واخلاقي وحضاري يعلي من شأن العجمية ويحط من العربية وتاريخها الانساني

ودايرني أقابِل شنو بِشنو، إذا كان الحديث بِدور في ها العمود عن اللُغة النوبِية والعربية الوافِدة؟ ومُخِلة ده رأيك، إنت مَخَير فيهو، ما بقدر أرُد عليك لأنك كتبت مانشيتات مُلَونة [تاريخي/أخلاقي/حضاري] وما شرحت تاريخي يعني شنو؟ وأخلاقي يعني شنو؟ وحضاري يعني شنو؟
ــــــــــــــــــــــــــــــــ

ما اوردته لحسين خوجلي في هذا الشأن يجعله اكثر عقلانية واعتدالا مما ذهبت اليه

أكيد طبعًا إنت ماك نوبي! علشان كِده رده فعلك لِمقولة حسين خوجلي ما سوت فيك الحبه!
ــــــــــــــــــــــــــــــــ

والمفهوم من سياقه انه يدعوا اهل السودان بمختلف عرقياتهم الي لغة جامعة وهي العربية ,مع العلم اننا بمختلف عرقياتنا ننطقها ونتعامل بها في معاملاتنا

وليه تكون اللُغة الجامِعة هي العربيِة؟ والبقبل عن خاطِر بِكِده منو؟ يعني أنا وجودي كنوبي عمرو 5000 سنة قبل ميلاد السَيِد المسيح، يجي وافِد عمرو على أحسن تقدير 1400 سنة ويفرِض لغتو على القبائِل الأصلِية؟!
ــــــــــــــــــــــــــــــــ

بمعني الدعوة للنطق بها لا تمثل عصبية مع وجود لهجات متعددة

لامِن تتمنى إنْقِراض لغتي وعاء ثقافتي، وتثبيت لُغتك، بتبقى عصبِية، كَيف تحكمون!
ــــــــــــــــــــــــــــــــ

تقول ان وجود نبي في قوم دليل علي فسادهم وان العرب كانو يقتلون ويسرقون

أنا مرجعي القُرآن الكريم

ــــــــــــــــــــــــــــــــ

وان النوبة كانو صالحين لذلك لم يبعث الله فيهم نبي

لو بتقول غير كِده جيب مرجعك! عِنْدك؟ ولا تخمينات وظُنون!
ــــــــــــــــــــــــــــــــ

أن صح تقديرك فهذا يعني ان أن سلالات النوردك
والفاندارس في الشمال الاوربي كانو صالحين لذلك لم يبعث الله فيهم رسول, وقس علي ذلك كل أعراق افريقيا والشرق الاقصي والامريكيتين . هذا تقدير مخل لماذا ؟

البعرفون <وَلَقَدْ أَرْسَلْنَا رُسُلاً مِّن قَبْلِكَ مِنْهُم مَّن قَصَصْنَا عَلَيْكَ وَمِنْهُم مَّن لَّمْ نَقْصُصْ عَلَيْكَ...> غافر 78 يعني في أنبياء الرسول (ص) ذات نفسو ما عارِفُمْ، عاوز تعرِفُمْ إنت! البشرِية الفوق ديل أكيد ربنا رسل ليهُم الأنبياء الما بنعرِفُمْ نحنا والقالت عليها الآية الفوق دي، بس الأنا مُتأكِد منو إنو ماف نبي أُرْسِل إلى بلاد النوبيين، إنت قايِل مُرسال مِتِل ده أكان بِدَسْ؟!
ــــــــــــــــــــــــــــــــ

باجماع علماء الاجتماع ومن بينهم بن خلدون

عُلماء الإجْتِماع ديل منو؟ والإجماع ده سوهو وين؟ وبِتين؟
ــــــــــــــــــــــــــــــــ

ثم اراك تذكر نقائص العرب لماذا لم تذكر محاسنهم وفضائلهم الموجودة في تراثهم الادبي وفي سيرهم وتاريخهم

أدبي شنو يا زول ونحنا بتكلم عن "الأخلاق". أما عن سيرهُم وتاريخهُم أنا بكتِبو ليك هِنا ده أكان الله سهل، بكتب ليك التاريخ الما موجود في المناهِج، ولامِن أكتبو بذكُر مرجعي ورقم الصفحة ورقم السطر ورقم وسنة الطبعة ودار النشر.

في شأن محاسِن العرب، البيِنة على مَن إدعى.. ورينا ليها
ــــــــــــــــــــــــــــــــ

فالسودان ليس عطاء الي جهة دون غيرها .فهو ملك للجميع افارقة كانو او عرب .ليس لعربي الحق في احتكار التاريخ والارض أوالفضل. وليس لنوبي او عجمي الحق في ذلك.. نتساوي في الحقوق والواجبات وامام ضمائرنا والقانون ..

مُمْكِن تكتِب لينا عن تاريخ العرب في السودان الإنت شايفو مُشْرِق وساهم أو أحدث فرق، عِندك من عام 1252م لغاية يوم الليلة 16/08/2011م (إتفاقِية البقت كانت عام 652م وظل النوبيين على دين المسيح حتى دخلوا الإسلام عام 1265م)

ــــــــــــــــــــــــــــــــ

نتساوي في الحقوق والواجبات وامام ضمائرنا والقانون

والله أنا ماف حاجة بتزعِلني إلا الإنشاء، هسِع أمانةً عليك، نتساوى في الحقوق كيف وإنت عاوِز تلغي لغتي وثقافتي وتُراثي لِصالِح لُغتك وثقافتك وتُراثك؟!