اقتباس:
المشاركة الأصلية كتبت بواسطة azzam_farah
مَولانا/ زمراوي
كيف حالك؟ علك طَيِب
إنت عارِف يا مَولانا مرات لامِن أقنِب أقرا ديوان مِن دواوينك، بشْتهي الغُربة والتِرحال وبسرحه فوقِن.. يمين بِكلِماتك بشِم ريحه الغُربة وعنت الرُحول.. وفجعه.. أسمع ليك صوت بِت إبراهيم:
- عزام.. عزااام.. عزاااام
صوتا لامِن يِجيني تكنو قلعني مِن برزخ.. صوتا بِلْقاني مِسهي وزي مخلوع
- بسسسسم الله يا راجِل مشيت وين؟
لامِن أرجع مِن البرزخ.. ألقاني فوق غُربة وتِرحال.. أقوم أسعل روحي:
- سمِح الإشْتهيتو ده أكان شنو؟
تخَيل بكون إشْتهيت السودان.. السودان الغُربة والتِرحال.. وا أسفاي لامِن الغُربة تصبِح وطن والوطن دولة مهجر وإغْتِراب
أسمع.. إنت يا مَولانا أنا قُلت ليك بريدك؟
والله ما متذكِر.. لكِن إحْتِياطي كِده ياخ، أنا بريدك
عزّامُ عزّامٌ والله القلوب شواهد وما دريتُ إلا في هذه اللحظة بأن بنت إبراهيم ما زالت تتفقدك
. أما أنا فبنت إبراهيمي تكاد أن تنساني من هول غيابي عن المشهد (روحٌ محلّقة في الغياب وجسدٌ مسجي يحاول التحليق)
!
يااخي والله تحتاج لقصيدة بعد زوال هذا الغم الكبير عن الكون يا عزام يا صاحبي الكبير...