[كيشو]

[justify]زمان أيام المفاضات كان في واحد صاحبنا جانا ناطي في الدوحة كم مرة كدا، قلنا ليهو ياخ انتا دورك شنو؟ قال هو بساعد في تليين المواقف (أي والله)، الزول دا شغال مليّن وما أظنو براهو (ما نحنا سودانيين لامن البطن تتلبك مية واحد يوصفو ليك العلاج، وكل واحد بي وصفة خاصة وزاد من الوصفات المحتملة دايماً تنوعنا الثقافي، ونتناول كل الوصفات حفاظاً على النسيج الاجتماعي، وفي واحدين بجوك شايلين الدوا ويحرصو على أن يتم تناوله أمامهم لأسباب كتيرة لا داعي لذكرها)
وانتا في المفاوضات؟
الزول الاتفقو معاهو قاعد لي هسي؛ قالوا متأخر شوية (ياخي بعد الشر عليهو)، متأخر عشان القروش الطلبتا لجنة الاستقبال ما اندفعت عشان كتيرة شوية[/justify]