[ناصر يوسف]

المشاركة الأصلية كتبت بواسطة شليل

في ناس حلوين وحاتك يا خالد..
حالياً الديامه بيعدوا وجبة "عوضيه ".. اللي هي وجبة إفطار طالب ، حملت إسم الشهيدة عوضية ، ومن مداخلات الزملاء/ات ، واضح إنو الدنيا لساتها بخير..
معاك في إنو ناس جوه يتحركوا سريع
وبصر على ضرورة إنو الناس تبتدي تدفع من نهاية الشهر ده..
باقي حوالي عشرة أيام عشان الناس تحدد مبلغ المساهمة الشهرية..

---
وافر الود ياخالد

والله يا بنج ،،، كدي كيفنك ياخ ،،،،
تعرف ،،،،
المسألة بسيطة وغير بسيطة مسألة تحديد الشير كم دي ؟؟
كيفن ؟؟؟
أقول ليك ،،،
يمكن سابقاً حددنا عدد الطلاب المحتاجين في مدرسة بغرب الحارات في أمدرمان كبداية
وحددنا كم تبلغ قيمة إفطار الطالب الواحد
يبقي ،،، نحن كم ؟؟ أقصد ،،، كم هو عدد الداعمين لهذا المشروع حتي نحدد المبلغ المحدد لكل فرد ؟؟؟

ما قلت ليك بسيطه وصعبة ...