[عبدالمنعم الطيب حسن]

* عابدين سلامات يازول وموضوعك في السلك وما اكتر المسكوت عنه في مجتمعنا السوداني ...
* في البدء الكلام على لسان الحاردلو لا اعتقد انه هكذا نرجو منك ومن له علم التصحيح ...
* الناس طلعت القمرة ، والالكترون تجاوز لحد بغادي ونحن كلنا عرب اقحاح مع ان هذا الكلام يجافي المنطق وحقائق التاريخ والجغرافيا والاثنيات والسحنات وكل حاجة ...
* بعدين عروبتنا محلية خالص تفتقر للحضور في المحيط العربي ونحن نعيش مع العرب من سنوات لم اقابل ولا عربي معترف بعروبة السودان ....
* كلما انكرنا العرب على مستوى الشارع العريض كلما اذددنا تلصقاً في مكابرات اقرب للاذلال ...
* نحن سودانيين افارقة يا لها من حقيقة مريحة ...
* السوداني بشكل عام عنصري للطيش يطلع نفسو العربي الوحيد والباقيين عبيد ،
واحد معرفة اختلف مع ابن عمه وابن خالته في ذات الوقت ،
قال فلان دا عب يازول كيف شيل خت شيل خت اصر ... لكن انا برِّا
... شفت كيف العنصرية حيطتنا القصيْرة !
* الحكومة العاطلة دي افشت العنصرية - لا السلام - بين الشعب
وتمت الناقصة الصحافة والتلفزيون - لا افهم لماذا يُسال الوزير عن قبيلته - الذي سرعان ما يفتخر ويبدع عن الكلام حول القبيلة اكتر من ابداعه عن اشكلات وزارته
والسؤال يوجه للفنان والموسيقي والشرطي واي زول بجيبوهو في التلفزيون ...
* كمان بتاعين النكات ديك زادوا الطين بلة لا افهم خريج جامعي تكون مهنته ان يقول نكات الشعب للشعب بفلوس ...يعطل كل طاقاته ويحترف مهنة لا تحتاج لمجهود ولا طاقة وليست فنا ابدا..
لا ومعظمها مكررة ومملة سمعناها من ساتة ...
واحد دنقلاوي قال ولِّ واحد فلاتي ول شايقي ، شايقي في عينك
مع انو ذات النكتة لو اتقالت واحد بس بلا تصنيف احسن لن تنقص شيئا ولكنها برضك لن تضحك ابدا ...
* شكرا ولي عودة كما يقول مهند الخطيب ...