سماح وضيوفك الكرام
سلام ومحبة
لو تسألنا هل الجموع التى احتشدت فى الصلاة على جثمان الشهيد القرشى والخطباء من قادة العمل السياسى هل دار بمخيلتهم سؤال البديل
ظنى الذى الحفه باليقين الاجابة لالالا
واضيف ما فى زول حتى اللحظة دى كان بتخيل التغير بدأ بدليل الكلمات التى قيلت فى تلك الاثناء من مظالبة بالقصاص ومحاسبة الجناة ووو
ما كلام ثورة وتغير واطاحة
دى بيعنى بداهة البديل نظام ديمقراطى مما يعنى حكم الاحزاب
أهو زمان دى أجابة لسؤال البديل
اما الان الاسئلة التعسفية وسلخ جلد النملة استولد سؤال تانى البديل الديمقراطى( قطعا التغير يعنى اتفاق حولو لانو حتى الان لم نسمع بدعاة الملكية الدستورية ودى نحمد الله عليها)
بقى تكملة السؤال منو ؟
قبل الاجابة الربيع العربى دا كان معروف انو بديل الضغاة هو الاسلام السياسى؟ ود الخلى المراقبين والمحللين يشططوا لدرجة الوصف خيبات الامل فى الربيع العربى وانحسار المد الديمقراطى ليفاجئوا بتصريح الغنوشى (ان الديمقراطية بضاعتنا وردت لنا)
ممكن نقول ان البديل برنامج ديمقراطى ونوقف الاسئلة التعسفية الباقية لانها تستفتح الاحباط وتساعد الانقاذ فى تخذيلها للمد الثورى
فقوموا واستوا لثورتكم يرحمكم الله
كسرة
لأبى الشهيد الشريف حسين الهندى شريط رائع يتحدث فيه عن البديل وما اشبه الليلة بالبارحة أحاول انشاء الله انزول لو ربنا مد فى الأجال
|