[الرضي]

(((3)))

قطع تكفيري الحانق صوت أم صفية التي حضرت للمواساة في وقوعي على الأرض حسبما أخبرتها ابنتها .. ووب علي الولد ده الوقعو شنو .. فأجابتها الوالدة وقع شنو ده دقوه الرباطين عشان أبى يديهم المليليمات البديهن لهيو ابوه.

في تلك اللحظة اقتربت صفية مني وهمست .. أبيت اقول ليهم الحقيقة احسن يقوموا يطردوك من البيت .. خوفاً من سقوط صاعقة عليهم .. بركة عجبني ليك .. عشان تاني تهابش الصحابة .. لم أستطيع أن امسك نفسي .. فقلت لها ياجاهلة .. هل دين الله يسمح بما حدث ويحدث من هؤلاء الكلاب .. هذا دين معاوية .. فوجئت وقالت: أنت جنيت أنا أحسن أمشي من جنبك.

استعوضت الله في النومة التي وددت أن تمتد إلى قرب وقت صلاة الجمعة .. فغسلت وجهي ولبست ثيابي وخرجت لبيت صديقي أحمد .. وفي الطريق لم ينقطع السؤال مع اختلاف صيغة السؤال .. يا ولد الحصل شنو .. ووب علي الحصل شنو .. يازول الحصل شنو ... كنت أجيبهم مختصراً الموضوع .. وقعه صغيرة .. فيردون بكفارة .. وأواصل في طريقي.