[بكري النور موسى]

المشاركة الأصلية كتبت بواسطة البديري

سلامات اخى بكرى ,وصباح الخير

يشهدالله بانى اتطاولتة على حزب الامة وقاداتة، وعلى الاتحادى الاصل والفرع وعلى الشيوعى والبعثى،وحزب الجبهة الاسلامية وباقى الاحزاب السودانية الاخرى!
وقسماً بالله لا انا كوز ولا موتمرجى انقاذى ولا واحد فيهم دفع لى مليمة عشان ابقى سوط واردع به الناس فى المنتديات او ارض الواقع! شخصياً اكرة البشير وحكومتة من الالف الى الياء..
ولكن هذا لايمنع بان انتقد واتطاول على احزاب هى سبب قيام حكومة البشير!
انت ذكرته هنا:


ولماذا سُرقت منهم كراسى الحُكم مرتيين !؟! وهل فى مؤمن بدلدغ مرتيين ومن عسكرى يتمطه دبابة ويصحى الصبح ويعلن البيان الاول من اذاعة امدرمان! ياخوى انا كمواطن لايشرفنى شخص ماقادر ان يحمى ارضة وعرضة بان يكون ولى امرى.. وما اشتدا غضبى على البشير هى نفس الاسباب اعلاه ! قطع سودانا من تحت (جنوب السودان) ومن فوق (حلائب) واقامة المجازر فى دارفور! البشير ايضا لا يشرفنى بحكومتة وزمرتة...
اخى بكرى انا شوية مُستعجل ساتيك هنا باذن الله بفساد الاحزاب حينذأك عندما كانت تتمايل طربا فى كراسى الحُكم! بس خت فى بالك انا لا كوز ولا مؤتمرجى ولا ماجور ولا رادع كما اقسمتا مسبقاً.. مواطن عاااااااادى بطنو طامة من الكُل (سياسياً)

فى امان الله وليعوده ان شاء الله

شكرا البديري

وأهلا بك في الحوار الهادي والبناء.

وأهلا بقلمك الحر النزيه ونربأ بك أن

تكون من أصحاب الأقلام المأجورة

لأن الأثر يدل على المسير فأهلا بك.