[ناصر يوسف]

المشاركة الأصلية كتبت بواسطة مرافي

الحل يا ناصر افتكر انو الشعراء يمسكوا بيد الشباب ديل ويرفدوهم بالشعر الجميل
وكذلك الملحنين ..والفنانين الكبار يغرقوا الساحة بالاعمال الجديدة بدل الفرجة دي
بعدين يا ناصر النسألك وانت واحد من المنخرطين في مجال الفن وين لجان الالحان ولجان الشعر ولجان الاصوات ولا الموضوع بقى سااي بدون لجان زمان مافي فنان يعتب التلفزيون ولا الاذاعة لو ما اجيز صوتو وما يسجل اغنية لو ما اجيزت
والله لو اللجان دي في ما اظن اغنية واحدة من الغث دا الناس سمعتا .
شكرا ناصر على المداخلة الدسمة هذه.

مرافئ يا أختي العزيزة

معظم هؤلاء الشباب بيتغنوا في أمكنة محددة
إما في حفلات الأفراح بأشكالها المختلفة
أو عبر الإذاعات الخاصة والفضائيات الخاصة الشغاله من غير رقيب برامجياً
ما خلاص هي قنوات بث إذاعي وتلفزيوني خاااااااااصة ودفعوا للحكومة قريشات التصريح ،،،
بعد كده يجيبوا شنو ؟؟ لا حكومة الجن دي بيهمها ولا غيرها

الشعراء والملحنين العظام يا مرافئ لما فاقوا من الصدمة الأولي بسبب ظهور هذا النمط من الغُثاء ،،، لقوا المرض الفتاك بتاع مثل هذا الصراخ الذي يسمونه غناءاً وقد إستشري في جسد المجتمع ،،، خلاص ما بيتحصل تاني ،،، بقت المسألة جايطه
،،،

لكني شايف ومن فترة نشاط المجلس الأعلي للمهن الموسيقية والدرامية شغال في ترتيبات جادة لوقف هذا العبث ،،، وبرضو بيحتاجو لضبط أكبر ،،،

لجان إجازة الشعر الغنائي ولجان الألجان ،،، هذا الغثاء أصلاً مو محتاج لمثل هكذا لجان يا بت العم ،،، لأنو مجرد غُثاء مطلوق في الهواء ساكت
وبشوف برضو ، ضرورة الخروج بالمجتمع من قبضة هذا الغثاء وتحكمو في المجتمع زي ما هو عاوز