[رأفت ميلاد]

المشاركة الأصلية كتبت بواسطة ناصر يوسف

زول الله سلام وليك الشوق يا حبوب

واضح جداً من إنو الفيديو ده عملوه السنيين وهاني الشيخ العمل المونتاج ده برضو ظنيتو من الوهابية لأنو الجزء الموجود في الفيديو ده معظمه فيه إستهزاء بالوهابية

ونفس الوهابية ديل حتلقاهم بيستهزأوا من الصوفية وكذلك الشيعة ضد الصوفية والوهابية

عموماً د. الترابي هنا قال بتسألهم عن السلام والتسبيح والسعي بين الصفا والمروة بيعني شنو ،، يقولوا ليك ما عارفين ،،، يعني وصفهم بإنهم بيمارسوا في أشياء وهم ما عارفين عنها شئ ،،، يعني ما قال بعضمة لسانو إنها ما بتعني شئ ( السلام والتسبيح والصفا والمروة )

ده الشئ الإتقال في الفيديو علي ما أعتقد ،،،

أما عن حديثه عن عذاب القبر وعن المسيح الدجال والمهدي المنتظر ،،، فده برضو رأي ولا شنو ؟؟؟ المشكلة هنا وين هسي يعني ؟؟؟

ياخي د. حسن الترابي ده هنا ما قال شئ مخالف للإسلام علي ما أعتقد

تعرف يا ناصر عنوان زول الله وتقديمه للفيديو لا يقل من مونتاح الوهابية فى طمس معالم الحديث .. حديث مثل هذا يحتاح تقديم هادئ ومناقشة عقلانية .. كل ما قاله الترابى لا يحتاج مفكر ولا يستحق تنقيب لكشف قناع الكذب لهؤلاء الوهابية الذين جعلوا من العقيدة خرافة والدين سيف على الأعناق

الترابى لم يكن مجرداً فى حديثه فى كثير من المواقع .. مثل تراجعه الأسترضائى عن المهدية .. وأيضاً عندما ثحدث عن الدنيا (المطلوقة) أيضاً مارس خط رجعة تحفظية