[كيشو]

المشاركة الأصلية كتبت بواسطة بابكر عباس

عشان خاطر الأديب كيشو نعيد صياغة الجملة ولو تماضر إعترضت باخد برأيها بشكل نهائي:
إفترقنا سنة تزعين، هاجر لامريكا وتزوج من أمريكية مهاجرة من جزر الكاريبي، فاتنة الجمال، وكحال أهل الكاريبي، مفعمة بالحياة. أنجب بنت (قنبلة) وولدين وعاش حياة أمريكية أسبانية خالية تماما من (السودانوية).
حدثني بعد الغدا:
- الاتنين وعشرين سنة الفاتن ديل ما عارف أوصف ليك جمالن بشنو؟
- زي حلاوة لكوم؟
- بس، لا لا، زي حلاوة قطن، وشفط ليهو جقمة كبيرة من كاس النبيذ الأحمر.
وأردف:
- حاجة واحدة اليومين ديل مطلعا ميتيني؟
- شنو؟
- العب الإتغدا معانا هسع دا، شفتو؟
- هزيت راسي من وراء الكاس الاحمر
- اليومين ديل طالع ونازل مع بتي علنا، تعرف، مرات أقول أديهو طلقة في نص راسو؟؟ وكمان المعفن نهاية الإسبوع بجي ينوم معانا!

يا بكة ياخ لو قدرت تتنازل عن " مفعمة " بتكون الصورة جميلة، وكبداية ليك في عالم اﻷدب ممكن تكتفي بي " جغمة "
وبرؤية نقدية وعشان شليل يختارني في لجنة تحكيم مسابقة القصة بقول ليك: ممكن تجيب مفعمة لو كنت مصر عليها وتخلي صورة ابتعاد صاحبك عن سودانويتو مقابلة لي صورة اقتراب زوجتو من كاريبيتها شكلاً ومضموناً؛ ثم تأتي لتصور صاحبك وقد عادت ليهو سودانويتو في الصورة اﻷخيرة كزول حمش يجغم الشراب جغما ولا فرق عنده في ذلك بين النبيذ والعرقي؛ ويعبر عن الصراع الداخلي الذي يعيشه بألفاظ سودانوية غابت عن لسانه زمنا طويلاً وظن أنه تمكن من التخلص منها إلى الأبد
وشكرا على لقب أديب، ومنتظرين شفيف بالله