[ماريل]

المشاركة الأصلية كتبت بواسطة سر الختم إبراهيم نقد

شكراً ماريل على المعلومات وبوستك هذا يستاهل يتعلى.
تذكرت الزرافة وجنينة الحيوانات التي كانت من المعالم الجميلة في الخرطوم إلى أن خسفت بها هذه الحكومة الأرض، قال وزعت الحيوانات المسكينة والتي كانت متنفس للناس والأطفال بالذات الذين لا يرون بعض الحيوانات مثل الأسد إلا في التليفزيون، طيب الحكومة عملت برج ، أو عملوا ليها آسف، وأصبح معلم معماري لماذا لا تكون عندنا جنينة حيوانات مثل بقية مخاليق ربنا؟ طبعاً حيطلع وزير المالية يقول ليك نحنا قادرين نأكل البشر لمن نأكل ليكم الحيوانات!! مع إنو حديقة الحيوان ممكن تصرف على نفسها وعلى العاملين عليها كمان.
للصغار شديد حديقة الحيوان كانت موجودة مكان برج الفاتح الحالي.

سلامات يا سيدى
جنينة الحيوانات خليها يكفينا حسرة انو نحن البلد الوحيد المافيهو جنينة حيوانات ..مشينا فى رحلة علمية لى حدائق الدندر وحياتك غيرنا نحن الطلبة ديل وكمية من القردة على الاشجار لا توجد اى حيوانات اخرى(باستثناء بعض الحشرات والطيور)والدندر دى درسونا عنها فى (اسباين تو)انها ملانة غزلان وزرافات ونسور ياخى ديل حتى المنتجعات الطبيعية ما قدرو يحافظو عليها عايز تطالبم يعملو ليك جنينة حيوانات.....