[ماجد تاج]

المشاركة الأصلية كتبت بواسطة GamarBoBa

معليش يا بابكر ح امش في موضوعك دا حتة جادة حبة وبشكل مختلف..لو سمحت لي
كلامك كويس في اتجاه وخطر برضو في اتجاه تاني كويس..
المنتدي دا تابع لشركة مالكة للترخيص اسمها في بولتين..وعندها حاجة اسمها الميتا,,ودي المعلومات البتخش في مكنات البحث الاشهر فيها قوقل..ودي الزول ما بقدر يتحكم فيها الي في الفيس او مواقع عندها برايفسي عالي.
مسألة إكمال البينات بالصورة الفيها شفافية مع اوضاع الانترنت ما واردة لأسباب كثيرة جدا!!أولا خطورة انك تعمل شير لمعلومات حقيقية من ايملات وتلفونات وعناوين ..الحاجة دي ما بتشكل خطر الآن بتشكل خطر لي قدام..خاصة لناس ما عندها الرغبة في كدة..ومكامن الخطورة..الجهات الممكن تستفيد منها..كان هاكرز ولا جهات امنية واستخباراتية وغيرها.
البروفايل في تقديري يحتاج لنوع من التطوير التقني بحيث انه يكون الشخص الكاتب يستفيد من الاضافات البرمجية البتديك مميزات الشير مع مواقع التواصل الاجتماعي والمواقع المهنية الاحترافية والمدونات وغيرها..بحيث انه الزول ينشر فكرته الداير ينشرها من مكان واحد ويتحك فيها ويقدر يتابعها.ودا المفروض الناس تفكر فيه..واقصد الادارة تحديدا

البروفايل الحالي بروفايل كلاسيكي لا يمت حاليا بالتحديثات المهمة في شي.

تحياتي

ـ


مرحب يا قمر بوبا



البت دي قالت لأشهر طاغية وديكتاتور

وصاحب أسوأ جهاز امن ما لم يقله مالك في الخمر جهرة

على كل القنوات ، وكان بينشر تحت صورتها وكلامها إسمها بالكامل

لمتين ح نكون بعقلية الخوف دي

لازم الناس تتعلم تواجه تبعات أراءها

ع الاقل يكسروا حاجز الخوف الوهمي البتتغذى عليه الاجهزة الارهابية دي

تخيل لو كل مناضل عمل بالضبط زي ما عمل الصبي الكلس محمد حسن بوشي

وقف قدام طاغية في مجمع من الناس

وقال ليه انت عارف في قرارة نفسك أنك أقذر من مشى على وجه الارض

تخيل هل سيبقى ديكتاتور ؟




ـ