اقتباس:
المشاركة الأصلية كتبت بواسطة بابكر عباس
إضافة لكلام ماجد (رضي الله عنه) يا قمر بوبا، أجهزة الإستخبارات والهكر عندهم المقدرة على معرفة المدسوس وكافة المعلومات عنك ويبقى الوحيد الذي لا يعرف من أنت هو محاورك.
عندما أتحاور مع "نيك نيم" لا أعرف عنه شيئا، القصة دي قاعدة توترني وفي كثير من الأحيان قاعد أتجنبهم
في أي مكان في الدنيا دي، قبل أي مشاركة لك يجب أن تقدم نفسك بشكل واضح والقصة دي بتخدم جديّة الحوار.
|
يا بابكر..يعني مثلاً الآن لما جيت قريت البوست لقيت انو اسمك ابوبكر...وانا بناديك بابكر..ما طالبتك بإنك توريني دا اسمك الحقيقي ولا المستعار ولا التسجيل في اي موقع الكتروني فيه معلومات محددة..يبقي مافي ما يمنع انو اسمي يكون قمربوبا واسمك بابكر..
دي من جهة..
من جهة تانية يمكن قتلنا الموضوع دا تحديدا من سنين طويلة في مبررات كتيرة جدا بتخلي الزول يجنح للكتابة باسم مستعار..ممكن الناس تختلف فيها..وبالصدفة الليلة في بوست كاتبه زول اسمه عاطف عمر في اون لاين عن نفس الموضوع امش شوف كم المبررات الخاصة والمقنعة البتخليك تكتب بأي اسم بس ما يكون خادش طالما البيني وبينك مساحة حوار وملتزم بلوايح وقوانين المكان ..ما شايف في مشكلة....مسألة انو الخاشي باسمه الحقيقي بخاف من الزول البكتب بإسمه برضو مسألة نفسية زي مسألة انو انا خايف اسمي افكه في قوقل..ويجي واحد يشتمني واهلي من طرف ويمسكني الحاج يذلني...الموضوع للسلامة العامة.
عموما انا محوري الاساسي ماهو الاسماء المستعارة ولا الخوف..المهم كيف ما تقدم معلومة بسهولة..مسألة انو الاجزة الامنية عارفة كل حاجة دي ما اعتقد..ما لم تبذل انت معلومة مجانية في الاسفير او لشخص غير موثوق فيه اتحدي اي شخص في اي مكان بالذات في السودان دا يلقي لي محل يلقاني فيه...
نرجع لمحور حديثنا ودي نقطة سقطتت مني قبيل
في ناس عندها ملكة كتابة ومن حقها تكتب باسمها وتستفيد من المساحة تماما كمساحة حرة وتوصل فيها فكرتها وديل كتاب او دباء او صحفيين او باحثين وغيرهم..وفي مجموعة بتكتب لأجل التفاعل..بفهم عجبتني كتابة بخش بعبر عن رأيي بغض النطر هل هو كويس وبخدم فكرة الزول السايقها ولا بتناقض معاها..وديل من حقهم يكتبوا باي اسمطالما بيدوا المساحة احترام
__
ياخي انا في ناس بضربوا لي تلفون بقولوا لي يا قمر..بتذكر بعد السلام انو اساسا في زول اسمه قمر بوبا كتب قبل كدا..فعادي يعني