اقتباس:
المشاركة الأصلية كتبت بواسطة أمين محمد سليمان
يا بكة، ماجد تاج - زي ما بقولو قرايبك المصاروة - مالوش حل !! 
البل يجري في دمائه مجرى الدم في العروق  ، و كان كترنا هسي بخلي الشيوعيين و يجي يبلنا نحن ذاتنا !! 
بعدين شنو قصة (إرسال نسخة من هذه المداخلة للسيد الأمين العام) دي ؟!! السيد الأمين العام كان ما شايف و عارف طعمو شنو ؟!!
----------
يا ماجد، عارفك حاسي اني عاصر عليك، أنا معصور عليك والله !!
و مافي أي زول غرضو توجيه ولا مصادرة حقك في الداير تقولو، لكنها النصيحة البتعدم الصاحب !! |
ـ
بالعكس تماماً يا بروف ..
ولو قلت ليك في حتة زي دي أي كلام فيه تمجيد
ح يتاخد بالضبط زي ما أخدو كتابتي الاخيرة لحجة آمنة ( رقاد في الواطة )
أو زي ما أخدو كلامي ليك في بوست سابق ( مهند سماهو كسير تلج )
ما متضايق ولا معصور على الاطلاق من مداخلتك
بل العكس .. أجلت جزء من الرد على مداخلة خال فاطمة شان أدمجه مع الرد عليك
لو بتصدق لوجه الله صدق .
أنا ما عندي أدنى رغبة في استعداء أو مضايقة زول هنا ابتداءاً من الاربعة ال ذكرتهم في مدخل البوست
لكن زي ما شايف من يوم ما جيت وقلت احم وانا مكمم الفاه بالشكل دا
قبل ما تكب العندك تتردم تتردم لحدي ما يطلعو أسوأ ما عندك ثم يصمونك به
هنا بإذن الله الموضوع مختلف ، ومع تحسبي التام لمداخلات بعينها
لكن أسأل الله أن أمضي في البوست بنفس الروقة الانا فيها حالياً دي
ـــــــــــــ
جوانب كتيرة من كلامك صحيحة وبسلّم بيها بلا جدال طبعاً
لكن الوِلاد نامو بعد دا ... بإذن الله أواصل غداً إن مد في الاجال
تصبحو على خير ...
ـ