[بابكر مخير]

كمين الف مرة كدآ أو بالتقريب ذكر أن "سودانيات" شلليات
دافعنا بكل ما نملك من أسلحة وذخيرة حية وعين مجردة حتى (سنة يا عبد الرحيم)
لكن الليلة عآت يا ناسي
وريتونا المكشكم بلا بصل..
إتنين زعلوا من بعض أو حصل سؤ تفاهم
سحابة صيف أو شكل (مناديل)
بقت مشكلتنا الأهم من خزآن أثيوبيا الحيحرمنا من الماء السلسبيل
بقت مشرط في يد جرآح يفتح المستخبي
الإتنين أسياد المشكل وحسب عرفتي ببعض من دواخلهم، قادرين على تجاوز المشكل إن أصلها موجودة..
بتذكر يوم زوجة أخويا الله يرحمه، ضربت تلفون وصوتها حزين وطلبت مني الحضور لإصطحابها وعيالها (مشوار بن دبي وأبوظبي)
وأنا راقد في سرير ودون أحرك سآكن، قلت ليها بس أجهزوا وأنا في طريقي..
بعد تلاتة أيام جرس الشقة يضرب ولمن قربت من خشم الباب، سمعت ضحك وفرفشة ريحتها سبقت القادمين،،
فتحت وهي ما سلمت عليا وقالدة زوجتي،، سكتا والشمار حرقني قلتا ليها، شنهو لا سلام لا كلام،، قالت: زعلانة منك ليييه ما جيت تاخدنا،، قلت: لو كان قعلت كان أكون ذي الكبيت زيت في النار وزدتا المشكل واضفت ليها أبعاد..
يبدو أنها إستطابت عذري وبعدها عادة المياه الي مجاريها وخيرا أنها زعلت مني ولم تزعل من زوجها..
دحن
الأخير وعلي رآيي المتواضع..
نقفل الموضوع وأهل مكة أدرى بشعابها
محبة لي عزو ومتلها لي طروقي
والعكس يصح