[كيشو]

المشاركة الأصلية كتبت بواسطة أمين محمد سليمان

سلام يا حلوين ...

الحاجة الما قدرت أفهمها إنو هل توقيف زول بتم بناء على تقديم شكاوى لمخالفة شخص ما للائحة ولا لمخالفة هذا الشخص للائحة بغض النظر عن لو إشتكى منه أحد أم لا !!
الفاتح حسب ما أرى أتى نفس فعل ماجد : الاتنين باصرار غريب كرهونا المحل ده بالشتائم و الاساءات و حلفو ما يقيفو ، ماجد موقف لانو في ناس إشتكو، فهل الفاتح ما موقف لانو مافي زول إشتكاهو ؟! لو الاجابة نعم بالله اعتبرو مداخلتي دي شكوى ضد الفاتح !!!
يا اخوانا والله و بالله الحق الشخصنة و الاساءات الشخصية خلت منتديات كانت أكثر عضوية و إنتشارا من سودانيات جحورا خربة و أماكن لتصفية حسابات غير موجودة أصلا و ياها بتبتدي كده، شكلة فارغة في موضوع فارغ يتدرحج ككرة الثلج و يكبر كل يوم و يصطف الناس ده مع الطرف ده و ده مع داك و لا صوت يعلو فوق صوت البل و مافي substance لمشكلة ذاتو : و هسي ماجد و الفاتح ديل كان إتلاقو بقعدو يتونسو و البجمعمهم أكتر من البفرقهم و من هذا المنطلق بتقدم بشكوى للادارة لايقاف كيشو لانو ما لمه الناس ديل سوا و رحمنا من البل ده !!

المشاركة الأصلية كتبت بواسطة النور يوسف محمد

بسم الله الرحمن الرحيم

سلام يا سيد أمين ،،

هذا المداخلة تعبر عنى تماماً خصوصاً فى شقها المتعلق بالأجواء المنهكة المرهقة التى عمل كلاهما على فرضها على المنبر ، حتى صارت صفحة المنبر تعج بكمْ معتبر من مفردات البؤس والهوان ،،
ووسط هذا السجال المؤذى يحتار الإنسان أين يضع قلمه ، فلا حق يستبن فى أفق هذا الحوار الدائر فى مساحات النفس وأثقالها ،،

الحق أبلج وما طال جدل إلا لكونه بين باطل وباطل ، أو كما قيل ،،،،

على جنب ،،
فى تقديرى أن اللائحة لا تمنح السيد بابكر عباس الحق فى الشكوى


العضو هنا هو المعنى بالإساءة حكماً لا جوازاً ،،
الأعضاء يمكنهم أن يلفتوا نظر الأمانة الى أن ثمة حوار مخالف لللائحة ، ولا يعنى ذلك أن تستند الأمانة على شكواهم كمحرك للدعوى ، والله اعلم ،،


وتحيات لكل الحروف الباسمة ،،

المشاركة الأصلية كتبت بواسطة رأفت ميلاد

يسلم فمك ولّ قلمك ولّ كيى بوردك ولّ كلهم مع بعض

يعني يا النور ورأفت مداخلة أمين دي مكيفاكم كلها كدي وبدون (تَصَرُّف)؟
كان جيتو للجد أنا شخصياً كيفتني ليك من الصباح بس كنت مشغول؛ والحمد لله انشغلت عشان أشوف رايكم دا
النصيحة منعتني بعض المسائل الفنية من نزع فتيل التوتر (أمبيكي بس)
أها هبل طلع منو؟