اقتباس:
المشاركة الأصلية كتبت بواسطة الرشيد اسماعيل محمود
سلامات يا غالي،،
كيف عرفتَ إنو الأمانة العامّة وقفت ماجد تاج استناداً علي شكوي بابكر؟!
|
سلامات يا الرشيد
طبعا بعاين لي مداخلتك دي من الصباح وماقادر ارد .. لاني من المكتب بقدر اقرا لكن مابقدر ارد موش حاجة غريبة ؟
المهم .. انا زي ماوضحت في مداخلة سابقة غير مهتم بالحاجة الاستندت عليها الامانة في عقوبة ماجد .. اهتمامي كلو او قول دهشتي في انو بابكر يشتكي موش كده وبس لا وكمان يشتكي استنادا على تخمين بانو شكلة ح تحصل !!
يبقى حديثي عن الشكوى كلو بقصد منو شكوة بابكر لماجد وليس الشكوى الاستندت عليها الامانة .. واعترف بانو قد تكون الالف واللام زائدة واوحت باي ايحاء لكن مجمل مداخلاتي افتكر وضحت انا قاصد شنو زي ماوضح عادل عسوم باسهاب
على كل حال انا مداخلاتي هنا كلها الاساس فيها الممازحة مع بابكر عباس فهذا الرجل انا اوده كثيرا رغم انو ماعايز يعزمني اجي اشوف الجمل حقهم الشين داك لمن يطلع الهدارة
طبعا ياالرشيد تلوينك واهتمامك بالالف واللام ده اداني احساس انك عندك حساسية مع قصة التعريف دي زي حساسية الجيلي مع الكلام بي صيغة الجمع