[أمين محمد سليمان]

شايف الناس خلت الفلم الأصلي و مسكت في بكة !!
بكة لمن إشتكى ماجد، إشتكاهو في بوست محدد و لسبب محدد و جاء كتب الكلام في نفس البوست، كونو ما إشتكى الفاتح لانو في بوست الشكوى الفاتح ما كان كتب أصلا !!
و ده ما بعني إنو بكة موافق ولا ماخد جانب الفاتح في القضية لانو في بوست تاني بل الفاتح زي ما بل ماجد .
من ناحية تانية واضح إنو الغرض من الشكوى كان وقف البلاء قبل وقوعو، و الكلام ده كلو بكة قالو بصورة واضحة لا لبس فيها، كونو البلاء ما وقف ده ما عشان بكة إشتكى، لكن عشان عندنا نفرين هنا- اسمهم ماجد و الفاتح - خاتين يدينهم في يدين بعض ليهم شهور و شغالين كتيم بجد و إخلاص و دأب عشان يسممو الجو و حسب ما شايف انهم نجحو بدرجة جيد جدا !!
أقول قولي هذا و أنا أول زول بل بكة في قصة شكوتو دي، لكن كونو يبقى ده الموضوع هسي فدي محنة تانية حسب شوفي !!