[لنا جعفر]

المشاركة الأصلية كتبت بواسطة أحمد طه

حميد قال :

حقاً تحرسو ولا بيجيك ..... حقك تلاوي و تقلعو

و دا ياهو العملو الشعب المصري ، و العاقبة عندنا في المسرّات !

مساك زاهي يا أحمد....
ما لاتعيه الأحزاب السلطوية والملتبسة دي هو انها لمن تخلط
دينا بالسياسة والدنيا بضيعو التلاتة حزمة واحدة....
ده بيشملنا نحن برضو .....الانقاذ او المؤتمرين الشعبي والوطني
(وماقاعد افرق بينهم لاسباب تكتيكية بالمناسبة)...لمن يمشو ح يرسخ
في وجدان الشعب السوداني انه الدولة المدنية هي الاقوى والابقى
وانه خسارتنا للدولة المدنية بيعني خسارتنا لرؤى سياسية بس
واجتهادات بشرية
لكن مشكلة الدولة الدينية انها بتخسر الارض وما بتكسب السما
و التلبس بالدين بيجهجه العقايد وبيشوه الأديان
يارب مرة يفهمونا ومايقولو ملاحدة بدون تبصر
أهو دي أول طوبة في سور الإسلام السياسي
ونمو تمرد التونسية وتشبهها بتمرد المصرية
بتؤكد انه السور متآكل والحبل على الجرار
شكري الجزيل لمرورك بينا وتشريفك
وعقبالنا ياااارب ....