[طارق صديق كانديك]

المشاركة الأصلية كتبت بواسطة قيقراوي

يا جيلي القوم النحكي ليك قصة (نتشرفبها) الاصل في بوست الرويعي العاير بلا معيار دا


واحد من عربان الضهرة نواحينا ديك، ينتمي لارومة اشتهرت بين الناس بالهمبتة، مرة سايق لوريو نواحي مدينة كبيرة - بمقياس ذاك الريف- واتعطل على مشارفها، دخل اقرب ورشة وطلب عدة لاصلاح عطلة ..
لمن خلص، قال لمساعدي الحلة تبعو يرجع العدة، ودق (السويك) وختا (الروس) وبقا مارق .. شوية ويتفاجأ ليك بسيد الورشة يكورك: العدة .. العدة يا اخينا!
اتلفت للمساعد وبنهرة تليق: انت ما رجعتها؟
الكمساري، بيان بالعمل .. تلب وفتح للزول الصندوق وراهو العدة!!
التفت سليل الهمباتة وبغضب وحزم يليق:
هوي يا اللخو، انحنا - وسمى ارومتو- همباتة، السرقة بنشرفبها .. عل انتو اظنو الخيابة عندكم ميها عيب!!