[الرشيد اسماعيل محمود]

المشاركة الأصلية كتبت بواسطة الرشيد اسماعيل محمود

دا شغل فيهو إبداع وفكرة مغايرة للسائد في الكتابات!!

قصدت إنو ضمير المتكلم هو بشكل من الاشكال إسقاط للأنا (بصورة مطلقة)، والأنا دايماً في حالة إعتزاز بذاتها، يعني الأنا شجاعة، ذكية، صارمة، تتميّز بكل متلازمات الذات المثالية.
في ضمير المتكلم، غالباً ما بتكون في جرأة علي تصوير الأنا علي أنها جبانة مثلاً، أو شحيحة، أو سيئة بشكل عام، بمعني إنو بطل القصة دي، واقعياً لو سألوهو الضربك منو ولّ شنو، أكيد حيخلق ليهو قصّة تبعد عنو فكرة كونو جبان وهرشوهو وطقطقوهو، علي أفضل الأحوال ممكن يقول (سوء تفاهم) حصل ليهو مع زول مثلاً، أو وقع من العربية أثناء ما هو نازل... إلخ.
المتميّز هنا فكرة المفارقة والصدق الفني الكبير في تصوير وقائع بتحصل بشكل يومي ومستمر، تصويرها دون حذف أو إضافة.
التجاذب النفسي الكبير الحصل في دواخل بطل القصة مبالغة!!
بقول:
(إنت قايلني خايف منّك؟)
في نفس الوكت هو خايف منّو فعلاً!!، ودا بيعني إنو العبارة ما موجّهة للزول الضخم بقدر ما إنها موجّهة لجمهور المركبة المتابع، مجرّد قناع يحافظ علي الأنا الخايفة قدّام الجمهور المتابع، ضروة تحجب عن العيون الصورة الحقيقية للأنا المضطربة دي.

ياخي شكراً وفعلاً بوست يستحق البانر بكل تأكيد