[عجب الفيا]

المشاركة الأصلية كتبت بواسطة نزار حسن علي

يا سيدي حتي العرب والخليجيين حبوها كلمه يا زول حتي مرات ونحنا قاعدين ويكون مجموعة قطريين وبعض السودانيين يتكلموا مع بعض يا زول صب شاي يا زول
مع مودتي

الاخ العزيز نزار كل سنة وانت طيب وربنا يديك الفي مرادك
ويحقق اماني الجميع ويبدل حال بلدنا باحسن حال ،امين
الحقيقة كلمة زول ارتبطت بالسودانيين حصريا بل صارت تعني الزول السوداني حصريا
ولكني لاحظت ملاحظة غريبة وهي رغم شيوع كلمة زول الا ان السودانيين المغتربيين لا يستخدمون هذه الكلمة فيما بينهم وفي مخاطبتهم لغيرهم من العرب .
مثلا تجد الشوام يستعملون كلمة " زلمي " فيما بينهم ومع غيرهم . ولكنا لا نستعمل كلمة زول في حديثنا مع غيرنا من العرب . ونستخدم بدلا عنها كلمة "حد" اي أحد وهي مصرية . مثلا تجد البعض يقول : " في حد " وهو يريد ان يقول : "في زول "؟؟

مودتي