[ماريل]

المشاركة الأصلية كتبت بواسطة احمد زين

اسي عليك الله يا ماريل ده كل الالتقطيهو من مداخلتي
يعني اخدتي البهمك والبهم القضية عندك ما ضروري ابدا

اوضح ليك انا قاصد شنو عشان مخك ما يمشي بعيد وان شاء الله بعد داك سوء الهضم ده يخليك

يا ستي انا بقصد انك توضحي لينا الظروف البتمنع الفنان من الابداع شنو
وياتو ظرف بمر بيهو معتز ونحن ما سمعنا بيهو

ثم انو المشكلة وين لو كان عندك معرفة شخصية بيهو

القضية قلت راى فيها قبيل ..وجيت رديت على البيهمنى اللهو اشارتك الغير جميلة(من زاوية شوفى)

مداخلتك الغير مسئولة والملانة سخرية ..بالمناسبة مافى مشكلة لو عندى بيهو معرفة شخصية لكن

فى الحقيقة ده ما حاصل انا بس بحاول لمان اتعامل مع الحاجات التقط ابعادا عشان اكون موضوعية

وعادلة فى احكامى وده الخلانى اسعى لى حتة اعرف معتز اتغير من ناحية (الاداء) ليه والسبب شنو

مرة تالتة يا أحمد (كلامك مانو مهضوم)راجع مداخلتك وشوف يحق لى أعلق عليها وله اشخت ليها

اما عن الظروف الممكن تحد المبدعيين من الابداع فهى غير موجودة طالما انك (مبدع) ببقى

قادر تبدع فى شتى الظروف ولكن تراكم الظروف دى ممكن يخليك تعبر عن ابداعك بى طريقة مختلفة

زى ما بعمل معتز هسه وبعبر عن حاجاتو بى طريقة مختلفة عن العهدناها ويظل معتز عندى

مختلف ومبدع ومهضوم ..وكمان قاعدة اأقرا لغة الجسد كويس وملتقطة من حركاتو انو فى شئ

بخليهو فاقد اتزانو معتز صباحى شاب هادئ وخجول وحساس عشان كده ابسط ازمة ممكن تاثيرا

يكون بالغ على نفسيتو وعلى ادائو ...


(يا ربيع الدنيا اداء معتز صباحى قمة الابداع يا قيصر كم جميل انت ...)

http://www.youtube.com/watch?v=WvdWGU3vnDc