[Ibrahim]

اليوم ننداح معاكم شوية

يعجبنى طه سليمان بيضع خطة للاغنية زى خطة مدرب الكورة وهذا شئ جميل وأساسى الاحظه عنده من الدورة السابقة.
كما واضح عليه ان يشجع زملائه ويضفى جو من الحميمية والبسمة داخل الاستديو.


اغنية داير تسينا

عبارة عن بشتنة شديدة وهى من الحان موسيقى بارع جدا الاستاذ ود الحاوى.

اولا الايقاع ميت وكتل الاغنية.
ياريت لو عملوهو ريقى Reggae عديل وأسرع بدل احد مشتقاته.
الرومبا Romba ايقاع ممكن يؤدى للملل واخوانا الخليجيين بيبدعوا بيهو غناء ورقيص.

زحل لم يكن اختيارها موفق


الصولات الاربعة الفى الاغنية

صولة الساكسفون كانت جميلة جدا
صولة الاكورديون كانت ممتازة والاستاذ اكرت مستواه كل الحلقات ممتاز.
صولة عود عوض غايتو جوة وبرة تاخ تاخ ..مابطالة
صولة الكمان و محمدية كانت سيئة
صولة الاورغ وسعد الطيب عادية خالص بدون احساس وبها خطاء فى وسطها.

استاذنا محمدية مشكل غياب السنة دى والادهى والامر اخونا محمد بشير بتاع البيز.
السنة دى مستواه نزل عن مستواه المشجع فى الدورات السابقة.
ما هذا ياصديق؟ اين الخط اللحنى الممتع والمتجدد للبيز؟

أما مهندس الصوت فينبغى تصفية حساباته وتسريحه ومعاها ضحكة من عمنا السر قدور قهقهقههه
فلقد قد اضانا بكل أسف.

ارجعوا فقط لحلقات الدورات السابقة ستجدوا ان الصوت هذه الدورة كان الاسواء بامتياز.