ﻣﺮﻗﺖ ﻭﺗﻮﺑﻲ ﻣﺎﺳﻜﺎﻩ ﺑﺴﻨﻮﻧﻲ ﺷﺪﺓ ﻣﺎﻧﻲ
ﻏﻀﺒﺎﻧﻪ ﻭﺍﺷﻮﻑ ﺍﻟﺤﺠﺎﺭ ﻗﺪﺍﻡ ﻋﻴﻮﻧﻲ ﻧﺎﺱ ﻣﺎﺷﻪ
ﻭﻛﻞ ﻣﺎ ﺍﻗﺮﺏ ﺷﻮﻳﻪ ﻣﻦ ﺑﻴﺖ ﺍﻟﻤﺮﻩ ﺍﻟﺸﺮﺍﻧﻴﻪ
ﺧﺘﺎﻓﺔ ﺍﻟﺮﺟﺎﻝ ﺍﻟﺒﻴﺖ ﻳﺒﻌﺪ ﺷﻮﻳﻪ ﻭﺍﻟﻠﻪ ﻳﻨﻌﻞ
ﺍﻟﻨﻌﻼﺕ ﺍﻟﺒﺸﺮﻭﻫﻦ ﻣﻦ ﺍﺏ ﻋﺸﺮﻩ ﺍﻟﻨﻌﺎﻝ ﺗﻒ
ﺍﺗﻨﺘﻔﺖ ﺩﻧﻘﺮﺕ ﺍﻋﺪﻟﻪ ﻟﻘﻴﺖ ﻧﻔﺴﻲ ﻻﺑﺴﻪ ﺍﺗﻨﻴﻦ
ﻓﺮﺩﻩ ﺷﻤﺎﻝ ﺍﺣﻴﻴﻴﻲ ﻣﻦ ﻭﺟﻌﺘﻲ ﺍﻟﺮﺍﺟﻞ ﺍﻟﺴﺠﻤﺎﻥ
ﺍﻟﺮﻣﺪﺍﻥ ﻳﻘﻮﻝ ﺷﻨﻮ !!
ﻟﻴﻠﻲ ﻓﻲ ﺍﻟﻐﻨﻴﻪ ﺍﻟﻠﻴﻠﻪ ﺍﻥ ﻣﺎ ﻣﺮﻕ ﻉ ﺍﻟﺘﺮﺏ
ﻳﻌﺮﺱ ﻓﻴﻨﻲ ﺍﻧﺎ ﻟﻴﻤﻮﻧﻪ ﺍﻟﻠﻪ ﻳﺎﺧﺪﻩ ﻣﻨﻮ ﺩﻱ
ﺍﻟﺒﻬﻤﻬﺎ ﻋﺮﺱ ﺍﻟﺮﺍﺟﻞ ﻛﺎﻥ ﻳﻌﺮﺱ ﺍﻥ ﺷﺎﺀ ﺍﻟﻠﻪ
ﻋﺸﺮﻩ ﻧﺴﻮﺍﻥ ﻓﺮﺩ ﻣﺮﻩ ﺑﺲ ﺍﻟﻠﻪ ﻳﻘﺪﺭﻭ ﻋﻠﻲ ﺷﻴﻞ
ﻋﻴﺸﺘﻪ .... ﻋﻴﺸﺔ ﺷﻨﻮ ﻫﻲ ﺍﻟﻐﺪﺍ ﺍﺏ ﺳﺨﻴﻨﻪ
ﺷﺎﺣﺪﻩ ﺑﺼﻠﺘﻪ ﻭﺍﻻ ﺍﻟﻌﺸﺎﺀ ﺑﺸﺎﻱ ﻭﺭﻏﻴﻒ ﻓﺎﺿﻞ
ﻣﻦ ﺍﻟﺼﺒﺎﺡ ﻳﻌﺮﺱ ﻓﻴﻨﻲ ﺍﻟﻠﻴﻠﻪ ﻳﺎ ﻣﺮﻩ ﻳﺎﺑﺎﻳﺮﻩ
ﻳﺎﺷﻴﻨﻪ ﻛﺎﻥ ﻣﺎﻙ ﺑﺎﻳﺮﻩ ﻭﺷﻴﻨﻪ ﺗﺎﺧﺪﻱ ﺭﺍﺟﻠﻲ
ﺍﻟﻌﺮﺳﻮ ﻟﻴﻪ ﺍﺧﻮﺍﻧﻲ ﺯﻣﺎﻥ ﺍﺣﻴﻴﻲ ﺍﻫﺎ ﻭﻭﺻﻠﺖ
ﺍﻟﺒﻴﺖ ﻭﺧﺒﺘﻮﻓﺮﺩ ﺧﺒﺘﻪ ﻟﻤﻦ ﺍﻧﻜﺴﺮ ﻭﺍﻧﻔﺘﺢ ﻫﻮﻱ
ﻳﺎﻟﻴﻠﻲ ﻳﺎ ﺳﺠﻤﺎﻧﻪ ﻳﺎ ﻭﺳﺨﺎﻧﻪ ﻳﺎ ﻣﺎﺑﺘﺸﺒﻬﻲ
ﺍﻟﺒﻨﻮﺕ ﻭﺍﻟﻔﺎﺕ ﻋﻠﻴﻚ ﺍﻟﻔﻮﺕ ﻟﻤﻦ ﺭﺿﻴﺘﻲ ﺑﺒﺎﻗﻲ
ﺍﻟﺮﺟﺎﻝ ﺍﻣﺮﻗﻲ ﻟﻲ ﺟﺎﻱ ﺍﻟﻠﻴﻠﻪ ﺷﻌﻴﺮﺍﺗﻚ ﺩﻳﻞ
ﻛﺎﻥ ﻋﻨﺪﻙ ﺍﻻ ﺍﺣﻠﻘﻦ ﻟﻴﻚ ﺑﺴﻜﻴﻦ
ﺍﻟﻀﺒﻴﺤﻪ ﻭﻓﺮﺩ ﻣﺮﻩ ﺗﺠﻲ ﻣﺎﺭﻗﻪ ﻟﻴﻠﻲ ﺍﻟﻌﺎﻟﻢ ﺍﻟﻠﻪ
ﻣﺮﺓ ﺳﻐﻴﺮﻩ ﻭﺟﺎﻫﻠﻪ ﻭﺻﻼﺓ ﺍﻟﻨﺒﻲ ﻓﻮﻗﻪ ﻭﺩﻳﻚ
ﺍﻟﺠﻴﻬﻪ ﺍﻭﻝ ﻣﺎ ﺷﺎﻓﺘﻨﻲ ﺣﺒﺎﺑﻚ ﻟﻴﻤﻮﻧﻪ ﺍﺩﺧﻠﻲ
ﺍﺩﺧﻠﻲ ﻣﺎﺑﺘﺪﻭﺭﻱ ﻟﻚ ﻋﺰﻭﻣﻪ ﻓﻲ ﺑﻴﺖ ﺭﺍﺟﻠﻚ
ﻭﻣﺎﺳﻤﻌﺖ ﺑﺎﻗﻲ ﻛﻼﻣﻪ ﻋﺎﻳﻨﺖ ﻟﺠﻠﺒﺎﺑﻲ ﻟﻘﻴﺘﻮ
ﺑﺎﻟﻘﻠﺒﻪ ﻭﻧﻌﻼﺗﻲ ﻛﻞ ﻓﺮﺩﻩ ﻟﻮﻥ ﻣﺮﻗﺖ ﻣﻦ ﺍﻟﺠﻨﻪ
ﺍﻟﻤﻌﻴﺶ ﻓﻴﻬﺎ ﻣﺮﺗﻮ ﺍﻟﺴﻐﻴﺮﻩ ﻋﻠﻲ ﺍﻫﻠﻲ ﻣﺎﺣﺴﻴﺖ
ﺍﻻ ﺑﺎﻟﻮﻟﺪ ﺑﻜﻮﺭﻙ ﺍﻣﻲ ﻫﻮﻱ ﺍﻛﻞ ﺍﻛﻞ
ﻣﺎﻓﻲ ؟
ﻳﺎﻭﻟﺪ ! ﺗﺎﻛﻞ ﺍﻟﺴﻢ ﺍﻧﺖ ﻭﺍﺑﻮﻙ ﺍﻟﻤﺨﻠﻘﻦ
ﺍﻟﻤﺪﻟﻘﻦ ﺗﺎﻛﻞ ﺍﻟﺤﻤﺾ ﺭﻣﺾ ﻛﺪﻱ ﺍﻣﺮﻗﻨﻲ
ﻭﺍﺭﺟﺎ ﺍﻟﺴﺠﻤﺎﻥ ﺭﺍﺟﻞ ﻟﻴﻠﻲ ﺍﻟﻴﺠﻴﺐ ﻟﻚ ﺍﻛﻞ
|