اقتباس:
المشاركة الأصلية كتبت بواسطة مجدي محمد عبدالله
سلام ياعبدالله
علي حسب القريتو رواية مجهول الحال شايف كدا كفاية خصوصا ان صاحب الكتاب
يروي بسنده
بغض النظر عن صحة الحديث
بالنسبة لدرس العصر وضحت قاصد شنو في مداخلة سابقة
الرواية ضعفت بعد احمد ابن حنبل
الليله مافضي مزنوق في الشغل لكن برجع انزل الكتاب وبديك التفاصيل
وماتنسى اذا صح الحديث فهو مذهبي وكل يوخذ من قوله اويرد
والكلام واضح عند هولاء السلف انهم اعتقدوا هذا وتركوا ذاك لانهم يعتقدون
انه كلام النبي صلى الله عليه وسلم وعليه متى ماثبتت صحة الحديث فهو مذهبهم
القصة ما انتصار للمذهب القصة اعتقاد صحة الحديث
ومالو في روايات استند عليها البخاري وضعفها الالباني القصة منهج وليست اشخاص
لقيت الحديث وبرضو ضعيف
والاحاديث الثلاثة تم تضعيفها وعلى ما اذكر لان مدار الرواية على شخص واحد ضعيف
وهو سبب التضعيف
انا قايلك حاتصدقني عشان كدا ماحفظت نتائج البحث عموما حا ارجع ابحث تاني واجيك بالمصادر غالبا بكره
طلع ليك كتاب بتاع فقه واقرا الفهرس بتاعو وشوف كم من المواضيع الفي الكتاب ليست في القران
المشركين كانوا بعملوا شنو حول الكعبة واين كانت الاصنام اساف ونايلة
ياعبدالله الاماكن المقدسة بعد اندثار الدين الصحيح تستخدم لنشر الوثنية
زي ماحصل في بيت المقدس وفي مكة ولو بحثت عن سبب يخلي مشركين مكة
يضعوا اصنامهم اساف ونايله في جبلي الصفا والمروة دونا عن كل جبال مكة وحول الكعبة
ماحاتلقا سبب اوجه من انو دي بقايا الديانة الابراهيمية الصحيحة
واحنا قادرين نعرف الوثني من الصحيح في الاشياء دي لانو عندنا الدين الصحيح
وكلامي دا ماقاصد بيه أي حاجة غير انك لاتستطيع ان تجزم
في غياب الدليل من القران او السنة
المسالة طبعا خلافية بين المسلمين في اثبات الصفات
لكن خليني اقول ليك وجهة نظري المابلزم بيها زول واحسب انها الصواب انا شايف انو المجسم والمعطل واحد
لانو الانسان مابتخيل الابالتجسيم فالزول بتخيل بجسم وبعطل حاول كدي تتخيل شي لاجسم له
صعب تتخيلو ولاحظ اغلب الصفات العليها الخلاف حاتفهم وجهة نظري
لاحظ انو مافي خلاف حول ذات الله
ياخ شوف العقل بتعامل مع مفهوم اللانهاية (الانفينتي) في الرياضيات بكل اريحية
ماف استيعاب للمفهوم لكن بتوظف بكل اريحية والناس تجي عند الاله تختلف
اعتقد لحساسية الموضوع
انا شايف مفهوم اهل السنة في اثبات الصفات بالدليل بدون تعطيل ولا تشبيه ولا تمثيل
اذا الزول قدر علي خيالو امر منطقي وبتحصل المشاكل لما الزول يحاول يتفكر او يتخيل
وقصة المعنى معلوم والكيف مجهول انا شايفا صحيحة وواضحة
اسال الله ان يهديني للصواب لو كنت غلطان
والحديث الثاني الروايات عبارة عن منام
والرابط الانت جبتو في مداخلتك الاخيرة فيه توضيح للقصة دي
وفي النهاية انا ماوقفت على رواية صحيحة
ياخ القصة ما اتباع ساي بعدين عدم الجزم دا مفروض يخليك ماتخوض في المسالة من اساسو لانو انت ماحكمت علي انا براي
حكمت على الكثير من الناس واعتقد اغلبهم ماعشان وجدوا ابائهم على امه لكن لاعتقادهم بصحة الحديث
الرسول صلى الله عليه وسلم وقف على جبل الصفا لايملك قران ولا عصا موسى لايملك الا وصف الصادق الامين
وقال لهم اني نذير لكم من بين يدي عذاب شديد ودا القايمة عليه السنة تصديق خبر الصادق
عموما ياعبد الله دي اخر مداخلة لي هنا انا مابحب الخوض في الامور الماعندي فيها
علم كافي عشان الزول مايبقا بيقول على الله بغير علم ومسالة السنة انا عارف انها قايمة على منهج زي ماعارف الطب قائم
على منهج ولا يكلف الله نفسا الاوسعها ما اظن مطلوب مني البحث والتنقيب عن كل الاحاديث
دمت بخير
|
سلام عليكم يا ناس:
عدنا والعود أحمد...اصلو الامور الزي دي بتحتاج كتابة بي مزاج؛ اعتذر للمتابعين كان لازم الواحد ياخد بريك.
مسألة انك يا مجدي يا أخوي تجي تقول ده ضعيف و دة أنا قريته و عندي المصادر بس ما حفظتها الآن و في النهاية تقول لي دي آخر مشاركة لي هنا دي مسألة عجيبة جداً؛ لكنها ليست أعجب ما رأينا في هذا المفترع على الأقل.
حديث الأسد والرجل والثور والنسر حديث صحيح و بني عليه الكثير: إذا في شخص عنده كلام غير كدة يجيب الحجة بدل الكلام المطلوق في الهواء.
و حديث الله شاب أمرد صححه جمهور من أئمة "السنه" منهم طبعاً قائد المشبهة والمجسمة إبن تيميه اخذة عن الأب الروحي للتجسيم أحمد إبن حنبل غفر الله لهم.
أما مسألة أني حكمت أن معظم المسلمين هم مسلمين بالإرث فقط، فهذا أنا أتمسك به جداً؛ الما مسلم بالأرث يأخذ دربنا هذا و غيره من دروب التحقيق: أي شخص لم يشك و يتحقق و يتدبر و يتفكر بتجرد كامل مسلم بالأرث: إن وجد أهله يعبدون حجارة لسجد لها ليل نهار و دافع عنها دفاعاً أعمى، كما تدافعون الآن بعمى عن امور في الاسلام هي محض خرافة و كذب، لكن من عنده الشجاعة والصبر والمنطق السليم ليدرك ؟ أهو كلو جاكم معلب جاهز.
دمت بخير
نواصل