[زول الله]

المشاركة الأصلية كتبت بواسطة ود الخير

الأخطاء والمحاباة وسوء التطبيق واردة.. ما بتعفي صاحبها من المعاقبة
وما سبب عشان الناس ينفضوا من حولها...
وبعدين نحن مالو ما نعلي سقف أحلامنا.... عشان بالميت ما نقع تحت حكم علماني....
تعرف يا زول الله في ناس في الفضاء دا عاوزين يفصلوا للسودانيين
حكم ودستور ومستندين على سكوت الناس وعدم تعبيرهم عن ما يتمنوه للسودان من حكم ودستور..... فيا حبيب ساعدها بنقل تطلعات أهلك وحبايبك وجيرانك المابقدروا يصلوا للفضاء دا!

طيب دقيقة
انت اعترفت انها أخطاء ومحاباة وسوء تطبيق
ورأيك انها لاتعفي صاحبها من المعاقبة

طيب ياشاب صاحبها هو الرئيس عمرالبشير الذي اعفى الجاني بقرار جمهوري
وبالمناسبة القرار صدر من الرئيس بعد صدور الحكم من المحكمة وقبل التنفيذ
لا والاغرب انو بخت الرضا قامت بفصل الطالبة المجني عليها من الكلية
ودا برضو بعد صدور الحكم على الجاني

طيب يازول تعال علي سقف احلام اهل البت دي وقول البت ذاتا تاني حتلقى سقف وين عشان تحلم ؟؟؟

ثم....
شماعة العلمانية وتخويف الناس بالبديل الفاسد دي بقت مابتقسم مع الناس
يازول الجوامع موجودة وستات العرقي موجودات وحرية اختيارك بتقودك
لكن البسطاء الزيينا ديل ماحيرضو تاني بحكم يغش فيهم الليل والنهار

لو جاءهم إبليس زاتو ماعندهم مانع بس مايغشهم ولايهبش ليهم دينهم ولاعرقيهم دا.








اقول قولي هذا واستغفر الله لي..................