اقتباس:
المشاركة الأصلية كتبت بواسطة أمين محمد سليمان
اخونا محمد مصطفى ... سلام ياخي و لعلك بخير
ما عارف قصة كترتها دي مقياسك ليها شنو ... و لو مداخلاتي بتدعو للمل.... جليها ... ما متذكر بتين رسلت ليك في الخاص عشان تقرأ لي !
أرجع البوست ده من أولو .... أنا إتداخلت معلق على قصة السيد المسيح الربنا قال ليه خذ الكتاب بقوة... و تخريجات سيد علي الوهمية في خطأ بسيط لولا المكابرة .
بالنسبة ل (عمي وخالي واخوي ود ابوي) فما عارفك جبت قصة (خالي واخوي ود ابوي)دي من وين.... أنا علقت فقط على موضوع عمي و ذكرت الاسباب الخلتني أعلق عليها ....
بالنسبة لدرجتي العلمية فأنا ما عندي درجة علمية ده لقب ساي ... و فترت من تكرار الكلام ده ... بالنسبة لمناداتي لعادل بسيد علي فدا ما بخصك !!
و حقيقة ما فهمت قصة تشويش على الأعضاء و إحترام الناس و باقي كلامك ده ... أمشي اقرأ البوست من أولو و وريني وين أنا شوشت ولا ما احترمت الناس ؟!
كلامك كلو عبارة عن perception لو قلت ليك دلل عليهو ما بتقدر ... روحك محرقاك ... ما تجي تدرعها فيني !
و كن بخير إنت و زول الله و خطاب و كل من يرى رأيك .....
|
سلامات يا أمين
اها بالنسبة لبروف دي قصتا شنو ... شمار ساي ليس الا هههههه
يا أمين انت زول ليك وضعك وجدير بالاحترام وده عن نفسي .. والاحترام احترام الكتابة هنا
انا بشوفك من خلال مواضيعك وما عايز اقيمك من خلال مداخلاتك اذ انها تكون في ظروف معينة
بس عشان تحتفظ باحترام الناس ليك بالضرورة كمان مداخلاتك في مواضيع الغير ما تكون فيها شخصنة
اي زول عابر جاء وقراء مداخلاتك مع عادل بستنتج انو في حاجة شخصية
والمنبر هنا للحوار
انت وعسوم بالنسبة لي واحد بمعني انو ما لي علاقة شخصية مع كليكما
لكن عشمان ياخ في بُكرة كان الله احيانا نتلاقي ونتعارف وكده
وانا زول طيب والله هههههه اسأل مني بس
يا أمين واضح انك راجل محترم وتستحق التقدير بس مرات بتفك منك
خلينا بس من باب العشم نرجو منك انك تتوقف في الشئ البتعملو مع عادل ده
وخلينا نستفيد من حوارك معاهو في اطار الموضوع ... اكيد حا نطلع بي حاجة مفيدة
عجبني جداً ياخ تداخل دكتور زين ...
عموماً يا امين ارجو اني ما اكون اتجاوزت معاك اذ انني احاول جاهداً ان اجعلي صفحتي بيضاء
جدل المنابر ده ما منو فايدة
بس انا شخصياً ياخ بتعجبني مواضيع عادل عسوم وبقدر جهدو حتي لو كان منقول
وغالباً بتبقي لي راس خيط وبتم الباقي من قوقل اضيف الي معلوماتي
بنحاول يا امين نبقي مثقفين وكده
علي كل حال ما عايز اسوق في الحتة دي كتير ... دي رؤيتنا للحاصل يا أمين وانت وتقديرك
اهم شئ بالنسبة لي انو في النهاية ده حوار لكن الود بااااااااااقي والاحترام
.
.
تحياتي