اقتباس:
المشاركة الأصلية كتبت بواسطة قاسم الحاج
تحياتي يا امال
الوحيد الذي صحح المعلومه هو اشرف السر ..بعدين يا ستي تصحيح المعلومه
لايحتاج الي اكثر من مداخله ..ا.
|
حبابك ياقاسم وشكرا لاهتمامك بالرد علي
ما يخص امين هو الاجدر بالرد عليه
بالنسبة للباقي
فلو متابع القصة ما معلومة واحدة ولا اتنين
دا منهج عديل واسلوب كتابة قايمة علي استغفال الناس واستصغار عقولم
ومايجب ان نقلق عليه بحق هو المصداقية
واحترام العقل المنحوا لينا رب العالمين وميزنا بيه عن باقي الكائنات
من لا يحترم عقول الناس ليس جدير بالاحترام
واليستحمل السخرية والاستهزاء لما يدرك اننا كبار اينف
عشان نعرف المعلومة الصاح من المضروبة
وتمرير الاكاذيب والدجل والخيال العلمي مكانه ليس هنا قطعا
والتصدي له واجب وتكليف
والمستفز فعلا هنا السم الفي الدسم القاعد يكرعنا ليه سيد علي
زي الكلام عن هداية خالد الحاج !!! معقولة بس !!
معكوس الكلام دا بدي انو خالد كان علي ضلال
وعادل مابتجرأ يقول الكلام دا لو خالد عايش
تبديل المواقف السياسية والفكرية امر جايز وطبيعي ويحدث كل يوم
وليس له علاقة بهداية اوضلال او جنة ونار
انما تذكير الناس كل مرة بان فلان اهتدي وحسن خاتمة وهكذا خرابيط
في حق من هو في ذمة الموت لايجوز ولا ينبغي ويجب ان يقف الناس عنده
ولو في كلام عن فتل البوست فقد تم ذلك بيد صاحبه ايه اللي دخل هداية خالد عليه الرحمة واحمد سليمان هنا؟
اقتباس:
المشاركة الأصلية كتبت بواسطة محمد مصطفي
والمُهمة دي بتقوموا بيها بشكل جماعي ... والحتة ظااااااااهرة ما مدسوسة
اكون واضح معاك اكتر
الواقفين في موقف الضد هنا في المنبر هم مجموعة من الشيوعين وآخرين لهم موقف سابق شكلوا من خلالو رايهم في عسوم
|
حبيبنا ود مصطفي
ياخ مااتعرفت عليك والله
n_the_quiet2:
قلت لي الشيوعين
عليكم الله انتو بطاقات الحزب دي قاعدين تشوفوها كيف ؟
تصور ياحماضة :shout:الحقوق لحاجة امنة
لو دافعتو عن سيد علي دا بانكم منطقتونا وفندتوا ادعاءأت المدعين
بتدليس سيد علي ورديتوا عنو السهام العامل ليها مغنطيس دي
كان فهمناكم
لكن العواطف براها مابتبقي درقة
فعذرا لذوي القلوب الرهيفة:girl_blum:
والما بستحمل اللعب الخشن الريموت في يدو
وعلي منتديات الضل البارد وتسلم يارايع واسعدني مرورك
ويا امي انا عيييان:rofl:
تحياتي لست ريدك وقول ليها اظهري بالله