[رأفت ميلاد]

المشاركة الأصلية كتبت بواسطة محمد مصطفي

يا عمو رأفت اول حاجة ازيك انشاءالله تكون طيب
اوريك انا مضرر منو ليه ... لانو الخطأ لو كان صغير انتو بتملو بيهو ستة صفحات
جدل ونقاش ما موضوعي خالص
وفي نفس الوقت ما بتعترفو بي اهمية الموضوع
انا بضرر كقاري عايز اقرا الموضوع بتسلسل .. لما القي مداخلاتكم وجدلكم البرة سياق الموضوع بعمل لينا تشويش
لانو المداخلة واقعة امام ناظرينا غصباً عنا نقراها
ثانياً بتأخر الكاتب عن مواصلة الموضوع
ده البضرني
يعني لو انتو التزمتو ممكن نصرف ليكم عدد مداخلتين لكل شيوعي ومداخلة لغير الشيوعين العندهم موقف خاص ( خت لي واحدة من الوشوش الخدر هنا شكلها الوشوش بقت برضو حقت الشيوعين )
.
.
سلامات

سلامات يا محمد مصطفى

الخطأ صغير كيف يعنى يا سيدى
كدى أقرا هنا

المشاركة الأصلية كتبت بواسطة معتصم الطاهر

يا محمد مصطفى الخطأ ما بسيط

أولا :- الخطأ فى خلط أنبياء ..
و المكابرة و المغالطة

ثانيا الموضوع مبنى على سن الأربعين ..
و الكلام العلمى دا كلو بقوم على التلاتين ..

ثالثا : - آيات الأربعين دى ما نكرناها.. لكن عسوم داير يثبت حاجات التلاتين دى فى الأربعين ..

رابعا :- يعنى غصبا عننا المعلومة البقولها سيد عسوم يا صاح يا نحن بنفتل البوست

خامسا :- البوست مفتول من اصلو كمعلومات علميا و تأريخيا و دينيا خطأ ..


مواربة الباب

ياخ متين ووين ربنا قال لعيسى خذ الكتاب بقوة

لو حصل أنا و بضمن ليك باقى" الفئام" يمسحوا مداخلاتم و ننصب عسوم "كاتبا أول" عموم سودانيات