اقتباس:
المشاركة الأصلية كتبت بواسطة مرافي
الاخ أشرف السر تحيات زاكيات
اراك ترمي بالمفردات استغفال استسهال ورجغة بلا فايدة
ماعارفاك قاصد شنو وقاصد منو وخاصة وان لي الكثير في المداخلات الماشايفاها ونسة وتقضية وقت
هو يعني المنتدى دا مافيهو الحاجات دي الا في البوست دا..؟؟؟
مابالك يا اشرف كيف تحكم..!!!!
وكيف الواحد يحترم وجودوا الاسفيري.. يا استاذ أشرف..؟؟؟ شوية توضيح
لو كان للونسة اي فكرة جادة لموضوع حالما تستحيل لونسة !!!
ولقد اضحت هذه الونسة آلية جل البوستات ولم تهز الرصانة لسودانيات
ماعارفة جاني احساس اني المقصودة بي كلامك دا!!!
لو ما كدا اعفي لي بالله...!!!
نحن معاك مستنين نهاية هذا البوست ليوضح لينا اشياء كثيرة عن المنتدى والاعضاء
دون ان يهتز طرف الرصانة..!!!
تحياتي
|
وعليكم السلام ورحمة الله وبركاته
يا مرافئ
المفردات الاستعملتها قصدت بها أي مداخلة في هذا البوست خرجت بمحتواها عن مسار البوست الاساسي الذي ابتدره الأخ أمين..
هذا ما قصدته.. وليس في قصدي "من". ما عندي أي قضية بأي شخص.. وكل قضاياي مع المحتوى فقط..
أما فيما يخص مداخلاتك الانت ما شايفاها ونسة وتقضية وقت، فليه طيب اخدتي كلامي انك المعنية بيهو اذا انت اساساً ما شايفة انها ونسة؟
دا معناتا انك شايفة انها ونسة.. وما دايرة تعترفي لنفسك بإنها ونسة.. مجرد انك وجدت انها موجهة لك وأنك الوحيدة المعنية بها دون بقية المتداخلين، فتحسسي كيبوردك...
لم أقصدك أنت أو أي شخص آخر... إنما قصدت مداخلات بعينها في بوست قضيته جدية ومفصلية وهامة في شأن الكتابة وما نطرحه هنا بقصد التحاور المثمر...
لما قلت الواحد يحترم وجودو الاسفيري، المعنى واضح، عنيت، أن لا أغش ولا أخدع ولا أكذب على القراء هنا في سودانيات سواء كانوا من العضوية او الزوار..
وابدا ما في بالي اني واقف ضد بوستات الونسة والترويح...الخ، فاذا انت فتشت عن مداخلاتي وبوستاتي هنا ستجدي مقداراً لا يستهان به من الونسات والمطايبات الاجتماعية ...
إنما الشيء الذي قصدته هو أنه لكل مقام مقال، ولكل صاحب فكرة بوست ان نحترم ما جاء به في أول البوست، فان كان البوست ذو مقاصد فكرية او علمية مطروحة لنقاش هادف ومثمر وبناء، لا أجد مسوغاً لكائن من يكن أن يدخل ويتقصد مثل هذا البوست بالونسة، واصحاب اصحاب، ومشتاقين وحاجات زي دي مثلا...
ممكن يجي شخص آخر ويقول والله البوستات دي جادة اكتر من اللازم، ولازم نطعهما بحبة ونسة وحميمية، دا رأي تاني،،، والعديل رأي والأعوج رأي..
ولا مش كدا؟
طبعا كل الفوق دا رأيي الشخصي ومن حقي الاحتفاظ به أو محاولة إقناع الأخرين به والدعوة له، ولك رأيك بالمثل موافقا او مخالفاً، ولهذا وجدت منتديات الحوار، عشان نمشي لقدام، ما عشان نلف في دوائر مغلقة