اقتباس:
المشاركة الأصلية كتبت بواسطة مرافي
جنس جرسة هي لكن... 
ياو الخير الغربة دي حلو مر
لا ننكر فضلها ولله الحمد
كما لاننكر عذاباتها وتجويعها للوجدان والروح
فكم من ابناء حرموا من وجود الاب الذي يقَوم ولكنهم الاحسن ماديا ً بين اقرانهم !!
وكم من زوجة تكتوي بغياب الزوج تاركا لها خواء عاطفي وزخم مسئوليات
ولكنها الاحسن بين قريناتها..!!!
وكم من أم سافر ابنها تاركاً لها اعتصار في الفؤاد يعذبها كل يوم وتبكي وتشكو للايام
ولكن الاحسن بين الامهات !!!
الا المغترب حرم من كل هؤلاء!! وليس بالاحسن بين اقرانه!!
وكثيرا ما يعود بعد ان غادر حياته بعض ممن يحب !! 
أم
أب
أخ
زوجة
إبن
ياتي بعد غادروا محطة الحياة وبهم ما بهم من الاشواق..!!
شفت يا ود الخير الغربة حلو مر كيف !!!
تحياتي واحترامي |
كتير من المغتربين بيتفادوا سماع أغاني "الشايقية" لأنها فيها كلمات
غايتو لو ما الزول قلبو قوي
ما بقدر بعد ما يسمعها ينتظر
لحظة بعيد عن ، الأم ، الزوجة ، الأب ، الأخوان ، والأهل وحتى بعيد عن الحلة
والحارة ، مره يا مرافيء (الحكي دا بيجيب الهوى) في التسعينات جيت من
لبنان مشتاق للأكل البلدي السوداني ..جيت سوريا (مطعم الباشا في ساحة
المرجى).... فضلة خيرك طلبت لي واحد بلدي ، وشية
وجك ليمون*
هباب جابو لي طلباتي دي سماعة الأستيريو جنبي في المطعم ، قام إشتغلت
أغنية عافي منك وراضي عنك يا جنايا،،،،
المهم لما وصلت مقطع ،،،،، خائفة لو سافرت ترجع تلقى فاضي البيت وراايه
الحالة التى وصلتها بعد المقطع ما بتتوصف ،،، دا غير الخسائر المادية
صحن الشية والبلدي بي صمتٍ خليتن في محلهن دا ومرقت من المطعم مشيت مسافة طويلة جداً جداً ، وعشان أرجع الهوتيل إلا ركبت تاكسي..
الغربة إمتحان معادلاتو دائرة ناس الخوارزمي وفوق ، عشان تقدر تتوفق تطلع ليك بنتيجة قريبة للصحة ،،،،،
ولا أسهل من كدا ونحن ما عارفين ،،
خاصة لما تدخل فيها إرتباط الأبناء بالمهجر وحنينك إنت للعودة ،، دا عِلم تاني دا
(الواحد يضحك ولا يبكي ما عارف)!
* الليمون دا عندنا مهاهو قصتين نحن ناس الريف الشمالي
واحدة زمان لما تجي ضيف من البلد لقريبك في العاصمة ، بي ضحكة كدا يقول ليك: نعمل ليك ليمون ولا نولع ليك النور ؟؟ وناس البلد مستهبلين أكتر يقوم الضيف يقول ليهو: الليمون دا شبعانين فيه ولعلِعلَنا النور
،،، بعد يولعو النور تاخد قعدتك وتتوكل ترجع البلد