هو شراب السجاير قلة أدب
كان كدي كل الرجال ما مؤدبين
المهم يا ماجد بعد التحية
غايتو انا ما طبلت لي زول ولا عندي طبلة وزي ما قت ليك في كتير من الاحيان بتعامل للاسف باضعف الايمان نعم هو ضعيف لكنو برضو إيمان لكن ابدا ما بطبل
بس بعض الحديث والمداخلات تصيبك بمرارة قاسية وعندها ومرات ببقى ايماني بلساني اللي هو كيبوردي..!!!
وماعندي انسان هنا بكرهو عشان اكيل ليهو بعين تانية غير الرضا وهو بيستاهلو
ولا عندي انسان احترمو واقدروا واكيل ليهو بعين الرضا وانا مقتنعة انو ما بيستاهلا
وهنا استثني بس عمنا رأفت
بكيل ليهو دوما بعين الرضا والاحترام هو ورهط آخرين شوية ما كتيرين..
حقيقي انت في مداخلاتك وهجومك بتكون راكز وما قاعد تخل بمفردات الاحترام للآخر(وانا هنا ماابطبل)
بس حقيقي تحيرت من ردك لآمال دا..وكتبت ليك انو صادم ومؤلم !!
ربما لاتكون كتابتك ليست فيها (قلة أدب ) للآخر ولكنها مؤلمة
وما قلته عن تجاوز كتابات آمال لشخصك والله وصدقا لم أقرأه ممكن تجيب لي الاقتباس ودا ما (عين رضا) لآمال !! بل زاملتها في هذا المكان ولخمس سنين لم احس او اتعود منها ما وصفته بها ...
واذا وصفتك بعدم الرجولة فللحديث قول آخر دا بعد تجيب لي الاقتباس او تعطيني رابط الموضوع فلربما عندي (غشاوة ) كما ذكرت
ومازلت اتمني ان يهدي الله النفوس الى المحبة
فنحن هنا ليس لنققل من قدر بعضنا ولا لنناصب العداء لمن خالفونا
وبما انها ما (مستاهلة) وبما اننا لسنا بساعين لبطولات اسفيرية فبالله عليكم تجاوزوا كل هذه المطبات وتطايبوا فلسنا بضامني يوم غد !!!
ولنترك ذكرى حلوة في قلوبنا جميعا تكون مهرا للمحبة
ودي للجميع