[Ishraga Hamid]

المشاركة الأصلية كتبت بواسطة ماجد تاج

ـ


مرحب يا دكتورة ..

كنت مستبشر خير من البوست دا والله استناداً على حاجتين ..

المدخل العلمي البحت ليه ..

ومقابلة حضرتها ليك في الشروق أظن ..

لكن هنا ـ الملون أعلاه ـ جليتي العلمية ومسكتي درب الادب ليه ؟

الكلام القلته هناك والمزعلك دا ما كلامي أنا ..

دا كلام فاطمة أحمد إبراهيم ، أنا لطفته للغاية بالعبارات المزعجة ليك دي ..

قبل ما تفككي ماجد كحالة حقو تفككي فاطمة كحالة أولاً ..

عندها كم من المقالات والمقابلات أبان مشاكل ليها مع زميلات يساريات احجمت عن نقل بعضها والله لما فيه ولأسباب أخرى ..

لكن ممكن أهديك الروابط !

قبل ما تفككيني فككيها أولاً إن كان في منهجية فعلاً ..

أنا ما صاحب منهج .. مجرد زول عنقالي بيكتب في النت دا ..

وجماعتك ديل مصرين يختوني قدام تخته يجمعوا حولها الاخرين للتنشين معاهم ..

يصورا ليك أن ماجد تاج كوز وإسلامي فقط كي تسني رماحك وتندفعي ..

بينما الحق والحقيقة أن خلافهم/ن مع ماجد ما هو الا خلاف منشأه أنه تعرض بالمخالفة لبعض كتاباتهن لا أكثر ..

فاا يا ريت قبل ما تندفعي في الخط الادبي والانشائي تكملي جميلك في التفكيك العلمي أولاً ..

تقديري


ـ

اهلا بيك يا ماجد

ماهو الخط الادبى فيما لونته؟
فككت وقلت فى النهاية وجهة نظرى وهو شىء متعارف عليه فى البحوث.. وصولك للنتيجة الغير مطلقة لا يعنى ان لا تقل رأيك كباحث.

الشىء التانى وقبل ما اجى لبقية مداخلتك اريدك ان تقف فى اشاراتك الواضحة فيما يخص جماعتى؟
منو هم جماعتى يا ماجد؟
وصوروا لى شنو؟
تفتكر زولة زى خبرت الدنيا وعركتها وعاركتها يمكن ان تكون مقاده؟
انا صاحبة نفسى واتخذ قراراتى بالشكل الذى يمثلنى
فارجو ان لا ترمى الكلام على عواهنه حتى نستمر فى حوار مثمر.

فاطمة ليست عضوة هنا ولم تنشره بل انت من قمت بنشره
كون فاطمة هى القائلة وانت قمت مشكورا بتلطيفة يعنى انه لا يمثلك؟


الى حين لك تقديرى