[ناصر يوسف]

المشاركة الأصلية كتبت بواسطة ابوبكر بشير سردار

- هذه "الفلهمة" التي انتقدناها ووصفناها بانها مرض اجتماعي ... الا انها تجعل "المتفلهم" يبدو سعيدا .. متبخترا .. لسان حاله يقول
"يا دنيا ما فيك الا انا"
- رغم كل ماذكرناه إلا ان هذه "الفلهمة" بها شيئا ايجابيا .. وهي منحها الشعور بالسعادة لهذا الشخص المتفلهم ..؟
- إذن "الفلهمة" فعلت ما عجز عنه الاخرون ..!
- لو وجدنا نحن ومن هم حولنا "السعادة" فإن "الفلهمة" لن تجد مكانا بيننا ..!
- لا اريد بذلك ان اضع "الفلهمة" و"السعادة" في كفة واحدة .. ولكنها احد اسباب البحث عن السعادة .. وإن كانت زائفة ..!

ياخي يا سردار جننت الفلهمه جِن يعلم الله

نحن كسودانيين ( وما أعمم طبعاً ) لكن الغالبية العظمي مننا

شعب مجبول علي الشو ،، حياتنا كلها عباره عن شو

بناكل للآخرين
بنلبس لالآخرين
بنقرأ قراية الله والرسول دي للآخرين
بنعَرِس لآخرين
ياخي الولاده دي ،،، نساءنا ذاتهن بتفلهمن ولازم يلدن هني وهناك في المستشفي الفلاني والفلتكاني ،،، وده كلو مجرد شووووووو عشان الآخرين

مشكلتنا بنعاين للآخر بعين شديده خلاص
والفرق ما بين الفقر والغني والحسد وشنو شنو داك

عشان كده بقي عندنا مصطلح إسمو ( الفلهمه )

وهذا علي مااااااا أعتقد وإن كنت مُخطئاً

هسي عليك النبي يا سردار ،، كلامي الفوق ده مو فلهمه ساااااااكِت كدي مني ؟؟