شوفو فيلسوف الشايقية عبد الله محمد خير ود الدبه قال شنو في الزمن طبع الزمن
أصلو الزمن يالسمحه ياهو كده وكفى
وقالو الزمن يا حلوه ضاع فيهو الوفا
إتبدلت كل القيم يا السمحه والشرف اختفى
وغابت أصالة كل زول وبقت حقيقتو مزيفه
واستشهد الغالي الضمير بعد اغتيالات مؤسفه
يا حليلو مات لا زول محزم بي قفه
لا باكي لا سيد وجعه يتولى الأمور بعد الوفاه
طبعو الزمن يا السمحه يا هو كده وكفى
إتغيرت كل المعالم فيهو والنور إنطفا
بقت الرذيلة وسام شرف وفي
غفله أصبحت الفضيلة مخالفه
أنماط سلوك وتصرفات متخلفه
مفروض عليك ورغم أنفك تألفه
البت تجيك متكشفه
دي يقولو ليك مثقفه
تحلف تقول صايعة طريق
أبداً يقولو موظفه
يا شابه لو قالها شاب بيوقفه
أما المفاهمه يا ظريف فضروري إنك عارفه
لغة العيون
والرقه والصوت الحنون
بس بي عيونك كلمه
وكلم عيونك تعزمه
وملعون أبو كل العيون الما بتعرف الترجمه
الونسه ده الاسم الزمان
سموها بارتي وبارتي حاد
لازم يكون عدد البنات
قدر الولاد
هاك يا غنا
وخد يا عصام ناول منى
وبصحتك وعلى شرف رأس السنه
وطول بينا يا ليل السواد
شبعنا في خم الرماد لا من نحصل قوم عاد
وكان الله في عون العباد
|