اقتباس:
المشاركة الأصلية كتبت بواسطة احمد ابوزيد
سلامات عادل
الإحتفال بعيد الإستقال المجيد ده ذااتو مفروض يتغير ، لأنو يوم 1/1 ده ما هو الحقيقي. المهم نحنا نسقط النظام ده ونكون نلنا إستقلالنا الحقيقي وبعد داك نشوف سقوط الإحتلال الكيزاني ده ح يقع يوم كم ونعملو عيد الإستقال والحرية والديمقراطية والكرامة.
وعن المجلس الوطني ، اقتراحك ما في محلو ، ليييه لأنو زولك ده ذاااتو يمثل الإحتلال الحقيقي ..
المهم كدي ورينا اسمو وخلينا نشوف اقتراحك ح يمشي لي وين . م يقوم يتبناه بي اسمو ويضيع حقك  |
صباح الخير يا احمدابوزيد وحباب العودة ياخ
بيني وبينك اسقاط النظام دا عاوز ليهو شباب زيكم كدا مش ناس الغضروف الزينا والسكري الزي ناس عمك حضيري والضغط الزي ناس عمك قرقاش...
النظام دا يااحمد ياقريبي طالما لسة بمتلك وشغال بي روح المبادرة وانتو ورا ناس (حاج فاروق ابوعيسي) ماعندكم غير ردة الفعل يانا الشايفنوا ممدد رجلينو وفارش بصلو في سوق الملجة نص النهار...
اما الاقتراحات...
فكدي اقتراحي خليهو -انا بصير عليهو- وشوف ليك اقتراح انت لي الناس الضبحوا سمايتم ولسة مالاقين ليهم اسم ( جديد) ديل...
لكن مافي مانع اديك الاقتراح او قول (الاجتهاد) دا:
طالما مالاقين ليهم اسم كدي اتوكلو وشوفو اسم الحزب الجبتو لبنا اتا او الجابو احمد باسط داك فلو الحزب سلك ورفع راسو ووقف علي كرعينو والنس اتخموا فيهم فالناس الفي (الباص) شوية شوية كلو واحد يشيل هاندباقيو ويجيكم لغاية مايفضل السواق في الاخر وداك اكيد خنلقا ليهو اقتراح او اجتهاد تاني مناسب...
مش كدا احسن ياابواحميد